Samfélagsmiðlar

Boða flug til Íslands á ný þrátt fyrir að vera á barmi gjaldþrots

Eina flugfélagið sem haldið hefur úti ferðum milli Íslands og Tékklands stendur höllum fæti.

czech airlines

Czech Airlines hefur síðustu ár haldið úti ferðum milli Íslands og Prag. Á tímabili spreytti tékkneska félagið sig jafnframt á áætlunarflugi hingað frá Kaupmannahöfn.

Ferðirnar til Keflavíkurflugvallar hafa hins vegar legið niðri frá því að heimsfaraldurinn hófst. Sala á flugmiðum til Íslands hefur þó haldið áfram og í allan vetur hefur verið hægt að bóka flug með félaginu frá Íslandi til Tékklands nú í sumar. Fyrr í þessari viku gaf Czech Airlines svo út að hefja ætti flug til Íslands á nýjan leik frá Prag 2. maí nk.

Staða þessa fimmta elsta flugfélags í heimi er hins vegar óvenju erfið. Tékknesk stjórnvöld hafa nefnilega ekki viljað grípa til sértækra aðgerða til að styðja við það í heimsfaraldrinum. Fyrr í þessum mánuði óskuðu stjórnendur Smart wings, móðurfélags Czech Airlines, því eftir greiðslustöðvun líkt og Túristi greindi frá. Og nú er félagið komið í gjaldþrotameðferð.

Helstu vanskil Czech Airlines í dag er nærri sex milljarða króna skuld félagsins við farþega.

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …