Samfélagsmiðlar

„Búbbluferðir“ að gosinu

Til að gæta að ítrustu sóttvörnum býður hópferðafyrirtækið Gray Line tíu manna hópum í „búbbluferðir“ að upphafi gönguleiðarinnar á gosstöðvarnar í Geldingadal. Fyrirkomulagið miðast við allt að 10 manna hópa sem taka sig saman um ferðina.

Hópferðabíll Gray Line kemur og sækir hópinn á umsömdum stað og tíma og ekur með hann að upphafi gönguleiðarinnar. Bíllinn sækir hópinn svo á sama stað að göngu lokinni og skilar á upphafsstað.

Ferðalagið kostar 80 þúsund krónur eða 8 þúsund á mann ef tíu manns eru í hópnum. Til samanburðar eru Kynnisferðir með fastar áætlunarferðir frá BSÍ að gosinu og þar kostar miðinn fimm þúsund krónur. Þær sætaferðir eru öllum opnar á meðan bílar Gray Line eru fráteknir fyrir hópa.

„Með því að bjóða fólki að vera í sinni eigin smitvarnar„búbblu“ og njóta þess að upplifa eldgosið saman sláum við tvær flugur í einu höggi. Í leiðinni losnar fólk við langar göngur til og frá bílastæðum og sest inn í heitan bíl í lok ferðarinnar. Þetta fyrirkomulag er betra upp á smitvarnir að gera en áætlunarferðir þar sem ótengt fólk er saman í rútu á föstum tímasetningum,“ segir Þórir Garðarsson, stjórnarformaður Gray Line, í tilkynningu.

Þar segir að tuttugu manna hópferðabílar séu notaðir í „búbbluferðirnar“.

Nýtt efni

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …