Samfélagsmiðlar

Flestir eiga bókaða gistingu í Reykjavík í sumar

Þjóðverjar eru sú þjóð sem hefur pantað flestar gistinætur hér á landi í sumar í gegnum Booking.com líkt og Túristi greindi frá í vikunni.

Hér eru svo þau fimm bæjarfélög hér á landi þar sem viðskiptavinir þessarar umsvifamiklu bókunarsíðu eru líklegastir til að eiga frátekið herbergi í sumar.

Í fyrsta sæti er höfuðborgin en í venjulegu árferði eru gistinæturnar langflestar í Reykjavík og nágrenni. Nú í heimsfaraldrinum, þegar fáir útlendingar eru á landinu, þá hefur ásóknin í hótelin út á landi skiljanlega verið mun meiri.

Akureyri er svo í öðru sæti á lista Booking.com og þar á eftir kemur Reykjanesbær. Höfn í Hornafirði er í fjórða sæti og Vík í því fimmta.

Sem fyrr segir eru það Þjóðverjar sem hafa tekið frá flestar gistingar hér á landi næsta sumar í gegnum Booking.com. Þeir eru líklegri til að ferðast um landið allt og þannig var 18 prósent gistinátta Þjóðverjar, á hótelum sumarið 2019, á Norður- og Austurlandi. Hlutfallið hjá Bandaríkjamönnum var til samanburðar bara tíund samkvæmt gistináttatölum Hagstofunnar.

Ítalir, sem eru á öðru sæti á lista Booking.com, eru svo ennþá meira á ferðinni. Sumarið 2019 var 24 prósent gistinátta þeirra á hótelum á Norður- og Austurlandi.

Bandaríkjamenn standa þó undir flestum gistinóttum útlendinga. Sumarið 2019 keyptu bandarískir hótelgestir hér á landi 426 þúsund gistinætur en þeir þýsku 153 þúsund gistinætur samkvæmt tölum Hagstofunnar.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …