Samfélagsmiðlar

Íslenskur „flugfiskur” eitt umhverfisvænasta próteinið í breskum matvörubúðum

„Við getum komið vöru til neytenda u.þ.b. tveimur sólarhringum eftir að hún er veidd á Íslandsmiðum. Þar með eru minni líkur á að eitthvað fari til spillis,” segir Gunnar Már Sigurfinnsson, framkvæmdastjóri Icelandair Cargo.

„Það er vaxandi eftirspurn eftir ferskvöru og íslenskur fiskur, sem flogið er út á markað, er mjög umhverfisvænn. Fólk stoppar oft við og er með varann á þegar það heyrir að vara sé flutt með flugi. Staðreyndin er þó sú að flugferðin sjálf er ekki það versta við allt ferlið. Það er margt annað sem þarf að horfa til,” segir Gunnar Már Sigurfinnsson, framkvæmdastjóri Icelandair Cargo.

Máli sínu til stuðnings bendir hann á útreikninga Íslenska sjávarklasans á sótspori íslensks fisks sem gerðir voru vegna áætlana breskra verslana að hætta sölu á íslenskum fisk sem ferjaður er í flugi. Gunnar Már segir að niðurstöðurnar hafi sýnt að auk þess að vara holl vara þá var íslenskur „flugfiskur” eitt umhverfisvænasta próteinið í búðunum.

Minna sótspor í farþegaflugi

Sótspor svína-, lamba- og nautakjötsins, í þessum sömu verslunum, var mun meira en íslenska fisksins. Losunin sem rekja mátti til nautakjötsins var til dæmis um tuttugufalt meiri. Umræðan um að taka úr sölu íslenskt sjávarfang, sem flutt er í flugi, endaði því farsællega bætir Gunnar Már við.

Og það er munur eftir því hvort fiskurinn er fluttur í fraktflugi eða með farþegaflugi samkvæmt útreikningum Íslenska sjávarklasans. Sótspor vörunnar er töluvert minna ef hún er flutt í farþegaflugi því sú flugferð verður farinn hvað sem líður magni af frakt. Útflutningur með fraktskipum er umhverfisvænstur en þá eru eiginleikar vörunnar aðrir.

Norski fiskurinn þarf að fara lengri leið

Gunnar Már segir það vinni með íslenska fisknum hversu stutt er á miðin og að fiskvinnslan sé í raun skammt frá Keflavíkurflugvelli. Þaðan er svo flogið í allar áttir.

„Norðmenn og fleiri þjóðir öfunda okkur af þessu. Norskir sjómenn þurfa lengra út á miðin og síðan þarf að flytja aflann innanlands, frá norðri til suðurs, og þaðan út í heim. Kolefnisfótspor norsks fisks er því mun meira en þess íslenska. Áhrifin af því að fljúga íslenska fiskinum á markað eru hlutfallslega mjög lítil,” útskýrir Gunnar Már og segir tækifæri liggja í þessu fyrir íslenskan sjávarútveg.

Hann bendir einnig á að það vinni með íslenska fiskinum hversu fljótt hann kemst á markað í útlöndum.

„Við getum komið vöru til neytenda u.þ.b. tveimur sólarhringum eftir að hún er veidd á Íslandsmiðum. Þar með eru minni líkur á að eitthvað fari til spillis.”

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …