Til að auka tiltrú fólks á flugferðum í upphafi heimsfaraldursins hættu mörg flugfélög að nota miðjusætin í þotum sínum til að breikka bilið á milli farþega. Flest þeirra létu af þessu fljótlega, þar á meðal Icelandair.
Stjórnendur Delta í Bandaríkjunum hafa þó haldið fast í þessa reglu þangað til núna. Því frá og með 1. maí ætlar félagið að nota öll sætin í vélunum.
Í tilkynningu frá flugfélaginu segir að í takt við fjölgun bólusettra einstaklinga þá hafi eftirspurn eftir flugi hafi aukist og um leið traust fólks á að ferðast.
Delta áformar að fljúga til Íslands frá þremur bandarískum borgum í sumar. Frá New York og Minneapolis líkt og síðustu ár en einnig frá Boston. Frá þeirri borg hafa þotur Delta ekki áður flogið til Keflavíkurflugvallar.
