Samfélagsmiðlar

Í samkeppni á öllum flugleiðum

Icelandair og Play eru einu flugfélögin sem bjóða upp á flug frá nýja flugvellinum í Berlín til Íslands.

Play hóf sölu á farmiðum í morgun og félagið mun ekki aðeins keppa við íslenskar ferðaskrifstofur og Icelandair um farþega á leið út í heim. Hið nýja flugfélag skorar nefnilega einnig á hólm fjölda erlendra félaga eins og sjá má á töflunni hér fyrir neðan.

Og hörðust verður samkeppni í ferðunum til London því auk Play bjóða fjögur flugfélög upp á ferðir á þeirri leið.

Play verður reyndar það eina með ferðir til og frá Stansted flugvelli, suðaustur af bresku höfuðborginni. Ferðir hinna eru til Heathrow, Gatwick og Luton flugvallar.

Aðeins í flugi milli Íslands og Berlínar verða íslensku félögin tvö um hituna nú í sumar og haust. Í vetur er þó útlit fyrir að Transavia geri hlé á flugi sínu hingað frá París og þá verða íslensku félögin ein um Íslandsflug frá Frakklandi.

Þegar kemur að ferðum til sólarstaðanna Alicante og Tenerife þá eru stærstu ferðaskrifstofu landsins með sitt eigið flug á dagskrá þangað og selja þær í flestum tilvikum staka flugmiða fyrir þá sem ekki vilja kaupa pakkaferð. Samkeppnin á þeim leiðum er því töluverð en líkt og Túristi hefur áður rakið þá var Norwegian langumsvifamesta flugfélagið á Keflavíkurflugvelli þegar kom að flugi til Spánar. Norska félagið hefur nú lagt niður starfsemi sína á Spáni og skilið eftir stórt gat á íslenska markaðnum.

Nýtt efni

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …