Samfélagsmiðlar

Kaupverðið hærra en gert var ráð fyrir

Ferðaskrifstofan Nordic Visitor hefur gert samning við Icelandair samsteypuna um kaup á Iceland Travel.

„Það eru talsverðar breytingar að eiga sér stað í íslenskri ferðaþjónustu. Tækifæri til að sameina og hagræða og þar getur Iceland Travel spilað stórt hlutverk, sagði Bogi Nils Bogason, forstjóri Icelandair Group, í svari til Túrista, nú í ársbyrjun þegar tilkynnt var að hefja ætti söluferli á Iceland Travel.

Hvort stjórnendur ferðaskrifstofunnar Nordic Visitor sjái sömu möguleika í stöðunni og forstjóri Icelandair á eftir að koma í ljós. En fyrir helgi var tilkynnt um samning á kaupum Nordic Visitor á öllu hlutafé í Iceland Travel.

Kaupverðið er samkvæmt heimildum Túrista tæpur einn og hálfur milljarður króna með yfirtöku skulda. Þetta er nokkuð hærra verð en viðmælendur Túrista töldu mögulegt að fá fyrir ferðaskrifstofuna nú í ársbyrjun. Var þar meðal annars vísað til þess hve samofin reksturinn var Icelandair samsteypunni.

Þó bera að hafa í huga að kaup Nordic Visitor eru ekki frágengin því þau eru gerð með fyrirvara um niðurstöður áreiðanleikakönnunar, samþykki Samkeppniseftirlitsins og að fyrirtækin nái saman um kaupsamning.

Þetta er í þriðja skiptið á rúmum þremur árum sem Icelandair samsteypan gerir tilraun til að selja Iceland Travel. Haustið 2017 var lagt upp með að sameina ferðaskrifstofuna og hópbifreiðafyrirtækið Gray Line. Það gekki ekki upp. Í ársbyrjun 2019 var Iceland Travel því boðin til sölu á ný og þá mun verðmiðinn hafa hljóðað upp á 1,5 til 2 milljarða króna. Það ár störfuðu nærri 120 manns hjá Iceland Travel en stöðugildin eru í dag innan við fjörutíu.

Nordic Visitor hefur lengi verið ein stærsta ferðaskrifstofa landsins en umsvifin eru ekki bundin við Íslands því fyrirtækið selur einnig ferðir, mest til einstaklinga, um önnur lönd í norðurhluta Evrópu.

Meirihluti veltu Iceland Travel kemur hins vegar af sölu beint til erlendra ferðaskipuleggjanda en ekki til einstaklinga. Í fyrra keypti Nordic Visitor svo rekstur Terra Nova af Arion banka en sú ferðaskrifstofa hefur líkt og Iceland Travel einbeitt sér að skipulagningu Íslandsferða.

Það er fjárfestingafélagið Alfa framtak sem kemur að kaupum Nordic Visitor að Iceland Travel. Það félag fór fyrir hópi fjárfesta sem átti hæsta tilboðið í Dómínós pizzastaðina nú í ársbyrjun. Ekki varð þó af þeim kaupum.

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …