Samfélagsmiðlar

Kórónuveirupassi ESB verður að veruleika

Eftir stífa samningalotu nú í vikunni þá náðu aðildarríki Evrópusambandsins loksins samkomulagi í gærkvöld um útfærslu á boðuðum kórónuveirupassa sambandsins. Sá verður hins vegar ekki tilbúinn nú í sumarbyrjun eins og upphaflega var stefnt að.

Frá og með 1. júlí er þó vonast til að Evrópubúar geti hlaðið þessu skilríkjum niður í símana sína og þannig farið með einfaldari hætti á milli landa.

Í þessum rafrænum pössum verður að finna upplýsingar um hvort viðkomandi hafi verið bólusettur eða hafi veikst af Covid-19. Einnig verða í skilríkjunum gögn sem tengjast nýlegum smitprófunum.

Innan ESB hefur ekki verið samstaða um hvort passinn eigi að koma alfarið í stað smitprófanna við landamæri eða ekki. Og niðurstaða samningalotu vikunnar er einskonar millileið. Ríki Evrópusambandsins mega áfram halda í eigin sóttvarnaraðgerðir við landamæri en geta aðeins skikkað fólk í sóttkví ef smitum fjölgar á nýjan leik. Og þau lönd sem kjósa að innleiða strangari reglur verða að tilkynna þær með að lágmarki tveggja sólarhringa fyrirvara.

Þar með er engin trygging fyrir því að fólk sem ferðast milli ríkja ESB og EES í sumar þurfi ekki í sóttkví við komuna til annars lands eða þegar haldið er heim á nýjan leik.

Hluti af samkomulagi gærdagsins snýr svo að niðurgreiðslum á smitprófunum en kostnaður við þau vegur þungt í heildarferðakostnaði fólks þessa dagana. ESB ætlar að leggja fram 100 milljónir evra, um 15 milljarða kr., í niðurgreiðslurnar.

Nýtt efni

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …

Kopar er nú meðal eftirsóttustu hráefna í iðnaði og verð á honum hækkar ört - svipað og gerðist með hráolíuna á áttunda áratugnum eftir að olíuframleiðendur í Arabalöndunum settu viðskiptabann á Bandaríkin og bandalagsríki þeirra vegna stuðnings við Ísrael í Yom Kippur-stríðinu. Mikil hækkun á verði kopars á mörkuðum skýrist raunar að hluta af auknum …

Ísland komst fyrst á kortið hjá United Airlines vorið 2018 þegar félagið hóf áætlunarflug hingað frá New York. Síðar bætti bandaríska flugfélagið við ferðum hingað frá Chicago og í báðum tilvikum voru brottfarir í boði frá frá vori og fram á haust. Í fyrra varð ekkert út Íslandsflugi United frá New York en í lok …

Ferjan Sæfari leggst að bryggju í Sandvík, þorpi Grímseyjar, um hádegisbil eftir um þriggja klukkustunda siglingu frá Dalvík. Ferjan stoppar ekki lengi í eyjunni í þetta sinn heldur leggur aftur af stað frá Grímsey klukkan 14. Dagsferðalangar í Grímsey á veturna stoppa því aðeins í tæpar tvær klukkustundir í eyjunni en leggja á sig meira …

Mótun ferðamálastefnu fyrir Ísland til ársins 2030 var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira en 100 manns að þeirri vinnu. Drög að tillögu til þingsályktunar voru birti í febrúar og …

Þrátt fyrir takmarkað framboð á flugi innan Evrópu þá eru fargjöld ekki á uppleið og verðþróunin er neytendum í hag nú í sumarbyrjun að sögn forstjóra og fjármálastjóra Ryanair sem kynntu nýtt ársuppgjör félagsins nú í morgun. Reikningsár þessa stærsta lágfargjaldaflugfélags Evrópu lauk í lok mars sl. og þar var niðurstaðan hagnaður upp á 1,9 …