Samfélagsmiðlar

Upplýsa ekki um afskriftir vegna gjaldþrots móðurfélags Keahótelanna

Hótel KEA og Hótel Borg eru hluti af Keahótelunum. Nýtt móðurfélag var stofnað um reksturinn í tengslum við gjaldþrot þess gamla.

Í tengslum við gjaldþrot K Acquisitions ehf, eignarhaldsfélags Keahótelanna, nú í ársbyrjun var hluturinn í hótelkeðjunni færður í nýtt félag, Prime hotels ehf.

Lýstar kröfur í gamla félagið námu 3,8 milljörðum króna en engar eignir fundust í búinu samkvæmt auglýsingu í Lögbirtingablaðinu og Viðskiptablaðið greindi fyrst frá.

Rekstur Keahótelanna fer fram í leiguhúsnæði og hluturinn í hótelkeðjunni var í raun eina eign K Acquisitions. Landsbankinn var með veð í hlutnum á móti skuld móðurfélagsins við bankann en hún nam 1,8 milljarði króna í árslok 2019.

Við færsluna á milli eignarhaldsfélaga þá fékk bankinn 35 prósent hlut í því nýja, Prime hotels ehf. Fyrri eigendur hótelkeðjunnar héldu eftir 65 prósentum eins og Túristi hefur áður fjallað um.

Sem fyrr segir voru gerðar kröfur upp á 3,8 milljarða króna í þrotabú K Acquisitions en ekki fást upplýsingar um hver stór hluti af því er krafa frá Landsbankanum.

Í svari, við fyrirspurn Túrista, segir einfaldlega að Landsbankanum sé óheimilt sé að tjá sig um málefni einstakra viðskiptavina.

Borguðu rúma 5 milljarða fyrir hótelin

Það var í ágúst 2017 sem tilkynnt var um sölu á Keahótelunum til eignarhaldsfélagsins K Acquisitions ehf. Fyrir helmingshlut í félaginu, sem stofnað var í kringum viðskiptin, fór bandaríska eignastýringarfyrirtækið Pt Capital Advisors, stærsti eigandi símafyrirtækisins Nova.

Hið bandaríska JL Properties og íslenska fjárfestingafélagið Tröllahvönn skiptu með sér hinum helmingnum.

Ekki var gefið upp á sínum tíma hvernig kaupin voru fjármögnuð en eigandi JL Properties upplýsti, í aðdraganda viðskiptanna, að virði samningsins næmi 51 milljón dollara. Sú upphæð jafngilti 5,3 milljörðum króna á þáverandi gengi.

Hið fyrrnefnda Tröllahvönn var áður eigandi að 36 prósent hlut í Keahótelum á móti Horni II, framtakssjóði í rekstri Landsbréfa, dótturfélags Landsbankans. Eigendur Tröllahvannar fluttu bréfin sín í hótelkeðjunni yfir í nýtt félag, Erkihvönn, í tengslum við söluna.

Pt Capital, JL Properties og Erkihvönn eru í dag meðeigendur Landsbankans í Prime hótels. Rekstur hótelanna sem tilheyra Keahótelunum er nú í mismunandi rekstrarfélögum.

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …