Samfélagsmiðlar

Þær tíu þjóðir sem keyptu flestar hótelgistingar í maí

Bandaríkjamenn voru með næst flestar gistinætur hér á landi í maí. Ein erlend þjóð bókaði fleiri gistingar í síðasta mánuði en á sama tíma árið 2019.

Hótelin á höfuðborgarsvæðinu voru með 42 prósent allra gistinátta á hótelum landsins í maí. Í maí árið 2019 var hlutfallið 55 prósent. Skýringin liggur helst í auknu vægi íslenskra gesta sem eru mun líklegri til að kaupa gistingu út á landi.

Greiddar gistinætur á öllum tegundum gististaða í maí síðastliðnum voru um tvöfalt fleiri en í maí 2020. Þar af jukust gistinætur á hótelum um 174 prósent, um 56 prósent á gistiheimilum og um 52 prósent á öðrum tegundum skráðra gististaða samkvæmt tölum Hagstofunnar.

Eingöngu er hægt að greina gistinætur eftir þjóðernum þegar kemur að hótelgistingu. Og þegar það er gert kemur í ljós að Bandaríkjamenn keyptu 23 þúsund af þeim 38 þúsund hótelnóttum sem seldar voru til útlendinga í maí. Engin önnur erlend þjóð var með álíka margar nætur eins og sjá má á töflunni hér fyrir neðan.

Íslendingar sjálfir voru hins vegar fjölmennastir á hótelum landsins því samtals greiddu þeir fyrir nærri 65 þúsund hótelnætur í síðasta mánuði eða um þrefalt fleiri en Bandaríkjamenn.

Athygli vekur að gistinóttum Suður-Kóreubúa fjölgaði um ríflega helming í maí miðað við sama tíma árið 2019.

Samkvæmt því sem Túristi kemst næst er þar að ræða um hóp frá S-Kóreu sem tók þátt í rafíþróttamóti í Laugardalnum og gisti hann í nokkrar vikur á landinu í tengslum við þátttökuna.

Nýtt efni

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …