Samfélagsmiðlar

Bandarísku flugfélögin sýna á spilin fyrir næsta ár

Nú í sumar hefur United boðið upp á flug til Íslands frá New York og Chicago. Félagið stefnir alla vega á að taka upp þráðinn í Íslandsflugi frá annarri borginni næsta sumar.

Nú í sumar hefur framboð á Íslandsflugi á vegum bandarísku flugfélaganna Delta og United verið meira en nokkru sinni fyrr. Þotur þess fyrrnefnda fljúga hingað daglega frá þremur borgum og United býður upp á ferðir frá tveimur.

Og nú þegar hafa bæði félögin sett í sölu áætlunarflug til Íslands næsta sumar en bara frá New York.

Hjá Delta er gert ráð fyrir að hefja flug til Íslands frá JFK flugvelli strax í lok mars. Fyrsta ferð United, frá Newark flugvelli, er á dagskrá í byrjun maí.

Ekkert Íslandsflug frá Minneapolis og Boston er komið í sölu á heimasíðu Delta fyrir næsta sumar en í dag fljúga þotur félagsins hingað daglega frá borgunum tveimur. Á sama hátt liggur ekki fyrir hvort United muni taka upp þráðinn í flugi sínu milli Chicago og Keflavíkurflugvallar.

American Airlines sem hefur hætt við áætlunarflug til Íslands frá Philadelphia síðustu tvö sumur hefur ekki sett í sölu neitt áætlunarflug til Keflavíkurflugvallar næsta sumar.

Eins og gefur að skilja þá eru flugáætlanir ennþá í lausu lofti og nærtækt dæmi um slíkt er sú ákvörðun Delta að taka úr sölu allt flug til Íslands nú í vetur.

Nýtt efni

Fyrstu fimm mánuði ársins hefur verð á flugmiðum frá Íslandi til útlanda verið ódýrara en á sama tímabili í fyrra. Í maí lækkaði verðið um 5,7 prósent samkvæmt nýjum mælingum Hagstofunnar en til samanburðar hækkaði verðlag almennt um 6,2 prósent á milli ára. Verðmælingar Hagstofunnar ná til fleiri flugfélaga en þeirra íslensku en þau standa …

Þess hefur verið beðið að Framkvæmdastjórn Evrópusambandsins tilkynnti um refsitolla á innflutning kínverskra rafbíla. Kínversk stjórnvöld hafa verið sökuð um óeðlilega mikinn ríkisstuðning við innlenda framleiðendur og var þetta meðal umræðuefna í Evrópuferð forseta Kína nýverið. Ný tollheimta myndi þýða milljarða evra aukalegar álögur á kínverska rafbílaframleiðendur.  Xi-Jingping, forseti Kína - MYND: Britta Pedersen/dpa-Zentralbild/dpa/Alamy Nú …

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …