Samfélagsmiðlar

Flugfélagið í biðstöðu á meðan hluthafar finna lausn

Í flugflota Cabo Verde Airlines eru Boeing 757 þotur sem áður flugu með farþega Icelandair.

Áætlunarflug á vegum Cabo Verde Airlines, sem íslenskir fjárfestar eiga meirihluta í, hefur legið niðri síðan heimsfaraldurinn hófst í mars í fyrra. Ráðgert var að taka upp þráðinn á ný þann 18. júní en það gekk ekki eftir og í staðinn var horft til 28. júní.

Ekki varð heldur úr því og samkvæmt heimasíðu flugfélagsins er nú fyrsta ferð á dagskrá þann 25. júlí.

Skýringin á þessum seinkunum liggur með óbeinum hætti í eignarhaldinu. Ríkisstjórn Grænhöfðaeyja hefur nefnilega gefið út að hún vilji eignast hlut Loftleiða, dótturfélags Icelandair Group, í flugfélaginu líkt og Túristi greindi frá.

Erlendur Svavarsson, forstjóri Cabo Verde Airlines, segir þó ekki ljóst með hvaða hætti ríkisstjórnin hyggist ná þessu markmiði sínu því yfirlýsingar ráðamanna í fjölmiðlum séu misvísandi.

„Stundum ræða þeir um þjóðnýtingu og stundum tala þeir um samningaferli,“ segir Erlendur og bætir við að hluthafar félagsins þurfi að útkljá málið. Hann telur líklegt að flug Cabo Verde Airlines hefjist ekki á nýjan leik fyrr en því máli hefur verið siglt í höfn.

Ríkissjóður Grænhöfðaeyja er í dag stærsti hluthafinn í Cabo Verde Airlines með 39 prósent hlut. Dótturfélag Loftleiða á 36 prósent, hópur íslenskra fjárfesta á 15 prósent og starfsmenn flugfélagsins eiga tíund.

Stjórnarformaður Cabo Verde Airlines er Björgólfur Jóhannsson en hann er einn íslensku fjárfestanna sem keyptu hlut í flugfélaginu í ársbyrjun 2019.

Nýtt efni

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Bláa lónið í Svartsengi hefur rýmt öll sín athafnarsvæði vegna jarðhræringa við Sundhnúkagígaröðina nú í morgun. Rýmingin gekk vel að því segir í tilkynningu og er gestum þakkaður góður skilningur á stöðunni, starfsmönnum fagleg vinnubrögð og viðbragðsaðilum gott samstarf. Bláa lónið er einn allra vinsælasti viðkomustaður ferðamanna hér á landi en vegna jarðhræringa á Reykjanesi …

Icelandair hefur gripið til hópuppsagna í dag og munu þær ná til ólíkra deilda innan fyrirtækisins að því segir í frétt Vísis. Þar er haft eftir Ásdísi Ýr Pétursdóttur, talskonu Icelandair, að dagurinn í dag sé erfiður en hún geti ekki tjáð sig nánar um stöðuna af virðingu við starfsfólkið. Heimildir FF7 herma að uppsagnirnar …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …