Samfélagsmiðlar

Kaflaskil hjá Play í sumarlok

„Það eru mikið af áhöfnum í hlutastarfi og þau vita að skráin er ekki þétt í vetur," segir Birgir Jónsson, forstjóri Play.

„Það eru nokkrar skipulagsbreytingar að eiga sér stað. Nýir stjórnendur hafa tekið til starfa á síðustu vikum og eru að stilla upp sínum teymum og breyta áherslum. Ég hef ekki gert neinar teljandi breytingar á skipulaginu hingað til sem er þó eitthvað sem ég geri venjulega mjög hratt eftir að ég tek við nýju fyrirtæki,“ segir Birgi Jónsson, forstjóri Play, spurður út í starfsmannamál félagsins.

Birgir segir að framundan séu breytingar hjá flugfélaginu og til marks um það þá lét Þórður Bjarnason, sölustjóri flugfélagsins, af störfum í vikunni. Þórður kom til Play frá Icelandair í fyrra en hafði áður verið framkvæmdastjóri sölu- og markaðsmála Primera Air.

„Það eru ákveðin kaflaskil hjá okkur núna í sumarlok. Við höfum verið að fókusera á að koma félaginu í starfsemi í sumar, hefja flugið og keyra þetta af stað. Núna erum við farin að horfa meira fram á veginn og þá er gott að stilla liðinu upp á vellinum með öðrum hætti og breyta áherslum. Það hafa verið að bætast margir nýir starfsmenn í hópinn og von á fleirum, m.a. nýjum sölustjóra,“ útskýrir Birgir.

Ekki þétt vinnuskrá í vetur

Líkt og áður hefur komið fram þá hefur Play dregið úr fjölda áætlunarferða í næsta mánuði. Flugáætlun félagsins gerir þannig ráð fyrir nokkru færri brottförum þá en nú í ágúst. Birgir segir áhafnir Play vera meðvitaðar um hversu mikla vinnu er að fá í vetur.

„Það eru mikið af áhöfnum í hlutastarfi og þau vita að skráin er ekki þétt í vetur. Þannig að það er ekkert nýtt en vissulega veit ég að einhverjir einstakir starfsmenn voru með væntingar um að það væri meiri af vinnu að hafa. Það er alveg skiljanlegt að fólk sé bjartsýnt, sérstaklega áður en 4. bylgjan hófst í júlí.“

Vilja vera tímanlega í því að þjálfa áhafnir

Önnur skýring á minna vinnuálagi er sú að þjálfun áhafna fyrir áæltunarflug til Bandaríkjanna næsta vor er að hefjast.

„Við erum með fleira fólk en við þurfum í flugáætluninni eins og hún er vegna þess að við erum að þjálfa fólk upp fyrir fleiri vélar og aukin umsvif í vor. Við viljum ekki að þjálfun og ráðningar verði flöskuháls þegar það byrjar allt. Áhafnir þurfa að fljúga ákveðið marga flugleggi í þjálfuninni og þess vegna dreifist vinnan á fleira fólk en við strangt til tekið þurfum,“ segir Birgir að lokum.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …