Samfélagsmiðlar

Hafa fækkað vetrarferðunum hingað um nærri helmingi

Árið 2012 hóf easyJet flug til Keflavíkurflugvallar og höfðu umsvif félagsins hér á landi mikil áhrif á straum breskra túrista.

Það er yfir háveturinn sem Bretar sækjast helst í Íslandsferðir. Árið 2019 flugu þannig 43 þúsund Bretar frá Keflavíkurflugvelli í febrúar en þeir voru í heildina 33 þúsund yfir sumarmánuðina það ár.

Svona var árstíðasveiflan í komum breskra túrista ekki áður en easyJet hóf að fljúga hingað til lands árið 2012. En með fjölda daglegra brottfara, frá allt að sjö breskum flugvöllum, þá hefur breska lágfargjaldaflugfélagið lagt grunn að gjörbreyttum markaði.

Mest var framboðið af Íslandsflugi hjá easyJet í ársbyrjun 2018 og 2019 eins og sjá má á línuritinu hér að neðan. Þá líkt og árin á undan var samkeppni í flugi héðan frá Bretlandi líka gríðarleg.

Á tímabili flaug t.d. British Airways hingað allt að þrjár ferðir á dag frá London og Icelandair var með ferðir frá sjö breskum flugvöllum. Wow Air hélt sig lengstum aðeins við ferðir frá London Gatwick.

Fyrr í sumar voru teikn á lofti um að easyJet ætlaði sér ekki að halda úti eins tíðum ferðum til Íslands og gert var í janúar og febrúar í fyrra 2020, áður en heimsfaraldurinn braust út.

Frá þessu greindi Túristi um í síðasta mánuði og fékk þau svör frá easyJet að niðurskurðurinn skrifaðist á minni eftirspurn.

Í dag er staðan sú að easyJet hefur fækkað áætlunarferðum til Íslands ennþá frekar. Núna er eingöngu gert ráð fyrir 107 brottförum frá Keflavíkurflugvelli í febrúar.

Til samanburðar voru á áætlun félagsins 196 ferðir frá Bretlandi í febrúar 2019 samkvæmt ferðagögnum Túrista. Framboðið nú í vetur verður því um helmingur af því sem var þegar mest lét. Þessi niðurskurður nær líka til annarra vetrarmánaða.

Túristi hefur óskað eftir skýringum frá easyJet á þessum niðurskurði og eins hvort hann einskorðist við Ísland eða vetraráætlun félagsins almennt.

Nýtt efni

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …