Samfélagsmiðlar

Selja íbúðir og kaupa hótelfasteignir

Fasteignin sem hýsir Sand hótel við Laugaveg tilheyrir nú Kaldalóni.

Fasteignaþróunarfélagið Kaldalón sem hefur sérhæft sig í byggingu íbúðarhúsnæðis hefur nýtt sumarið í að bæta hótelfasteignum í höfuðborginni við eignasafn sitt. Á sama tíma hafa tvö íbúðaverkefni verið seld.

Í sumarbyrjun seldi Kaldalón þannig fasteignaverkefni sitt í Vogabyggð í Reykjavík. Kaupandinn var félagið Reir ehf. en eigendur þess seldu Kaldalóni í staðinn eign sína við Vegamótastíg. Þar er rekið hótelið Room with a View .

Kaldalón keypti einnig helmingshlut forsvarsfólks Reirs í Laugavegi 32-36 en þar er Sand hótelið, eitt Keahótelanna, til húsa.

Róbert Wessman, kenndur við Alvogen, átti hinn helminginn í fasteigninni við Laugaveg en nú hefur Kaldalón eignast hana að fullu. Stjórn fasteignafélagsins hefur samþykkt þessi viðskipti líkt og tilkynnt var til Kauphallarinnar í gær.

Þetta eru ekki einu breytingarnar sem hafa verið gerðar hafa verið á eignasafni Kaldalóns í sumar.

Félagið seldi nefnilega allar íbúðirnar sínar í Urðarhvarfi í lok maí. Um miðjan júní var svo tilkynnt um kaup á fasteigninni sem hýsir Storm hótel við Þórunnartún í Reykjavík.

Keahótelin eru einnig með þá eign í leigu en hluti eigenda hótelkeðjunnar átti einmitt fasteignina sjálfa. Við söluna fær sá hópur hlut í Kaldalóni þegar kaupin verða endanlega frágengin nú um miðjan ágúst.

Tengsl Kaldalóns og Keahótelanna voru svo styrkt ennþá frekar í tengslum við kaupin á fasteign Storm hótelsins. Þá keypti stjórnarformaður keðjunnar, Bandaríkjamaðurinn Jonathan Rubini, hlut í Kaldalóni fyrir 360 milljónir króna. Um var að ræða nýtt hlutafé.

Jónas Þorvaldsson sem verið hefur forstjóri Kaldalóns lét af störfum nú í sumar og Jón Þór Gunnarsson tók við. Spurður um ofannefndar breytingar á eignasafninu þá segir Jón Þór að félagið sé áfram í þróun og byggingu húsnæðis. Hann segir hins vegar að nú sé meiri áhersla lögð á að bæta tekjuberandi fasteignum við safnið en horft sé til þess að vægi hótelbygginga í eignasafninu fari ekki yfir 25 til 30 prósent.

Stærsti eigandi Kaldalóns er félagið Strengur Holding en meðal stærstu hluthafa þess er Ingibjörg Pálmadóttir, eigandi 101 hótels í miðborg Reykjavík.

Nýtt efni

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …