Samfélagsmiðlar

11 ár að vinna upp í taprekstur kórónuveirutímabilsins

Rekstur Icelandair skilaði samtals hagnaði upp á 448 milljónir dollara á árunum 2011 til 2017. Á gengi dagsins í dag jafngildir þetta um 58 milljörðum króna. Árin 2018 og 2019 voru almennt góð í fluggeiranum en þó ekki hér á landi. Bæði Icelandair og Wow Air voru rekin með miklu tapi árið 2018 og Wow Air varð gjaldþrota í mars 2019.

Samtals tapaði Icelandair 111 milljónum dollara árin 2018 og 2019 eða rúmum fjórtán milljörðum króna á gengi dagsins.

Í tengslum við hlutafjárútboð flugfélagsins, sl. haust, var afkoman árið 2019 hins vegar leiðrétt miðað við það tjón sem rakið var beint til kyrrsetningar Boeing MAX þotanna það ár. Niðurstaðan eftir þetta endurmat var hagnaður upp á 42 milljónir dollara (5,4 milljarðar kr.).

Allt frá ársbyrjun 2020 hefur kórónuveirufaraldurinn hins vegar haft skelfileg áhrif á fluggeirann og samtals nemur tap Icelandair 461,2 milljónum dollara síðustu sex uppgjörs ársfjórðunga, frá 1. janúar 2020 til 30. júní 2021. Það eru um 59,4 milljarðar króna miðað við gengi dollara í dag. Tapið jafngildir þar með ellefuföldum „hagnaði“ ársins 2019.

Til samanburðar þá jafnast tap kórónuveirutímabilsins á við tveggja til fimm ára hagnað hjá stærstu lágfargjaldaflugfélögum Evrópu, þ.e. Ryanair, Wizz Air og easyJet. Og hjá Lufthansa Group og IAG, móðurfélagi British Airways og Iberia, er tapið á við sex- til áttfaldan árshagnað.

Þetta kemur fram í nýrri samantekt greinandans Jacob Pedersen hjá Sydbank í Danmörku. Sá rýnir reglulega í gang mála hjá SAS og Norwegian í skandinavísku viðskiptapressunni. Og SAS kemur vægast sagt illa út úr samanburði Pedersen. Tap félagsins í kórónuveirufaraldrinum hefur hingað til jafnast á við sextíufaldan hagnað félagsins þá tólf mánuði sem liðu áður en Covid-19 setti allt úr skorðum.

Aftur á móti er Finnair á svipuðum stað og Icelandair því tap finnska félagsins í faraldrinum jafnast á við tífaldan hagnað ársins 2019. Þess ber að geta að Icelandair er ekki með í dönsku samantektinni og útreikningarnir hér að ofan eru á ábyrgð Túrista.

Þar sem Norwegian var rekið með tapi árið 2019 þá er ekki hægt að bera stöðu þess félags saman við keppinautana. Norwegian varð, líkt og Icelandair, fyrir verulegum skakkaföllum vegna kyrrsetningar MAX þotanna en félagið hefur ekki ennþá sótt bætur til Boeing, m.a. þar sem félagið vill komast undan stórri pöntun á MAX þotum.

Nýtt efni

Almennu hlutafjárútboði Play lauk í gær og bárust tilboð upp á 105 milljónir króna en lagt var upp með að selja nýtt hlutafé fyrir allt að 500 milljónir króna. Þátttaka almennings í hlutafjáraukningu Play í nóvember 2022 var heldur ekki í takt við framboð. Þá lögðu stærstu hluthafar félagsins því til 2,3 milljarða króna. Það …

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …

Kínverski bílaframleiðandinn Chery virðist vera að ná samningum um að eignast fyrstu verksmiðju sína í Evrópu, nánar tiltekið í katalónska höfuðstaðnum Barselóna á Spáni. Um er að ræða verksmiðju sem Nissan lokaði árið 2021 og er markmið yfirvalda á Spáni og héraðsstjórnarinnar í Katalóníu að endurheimta þau 1.600 störf sem þá glötuðust. Nú hefur katalónski …