Samfélagsmiðlar

5 flugvellir detta út af vetraráætluninni

Glasgow er ein þeirra borga sem dettur út af vetraráætlun Icelandair.

Stjórnendur Icelandair gerðu ráð fyrir að framboð á áætlunarflugi í vetur yrði um 70 til 80 prósent af því sem var fyrir heimsfaraldur. Vegna stöðu heimsfaraldursins hefur dregið úr væntingunum og áætlunin verður smærri í sniðum samkvæmt tilkynningu sem félagið sendi frá sér í gær. Þannig verður gert hlé á öllu flugi til Helsinki, Glasgow, Gatwick flugvallar í London, Minneapolis og Portland í vetur.

Framboð á þriðja fjórðungi ársins verður því um 65 prósent af því sem var á sama tíma árið 2019. Í janúar og mars á næsta ári ætti hlutfallið að vera komið upp í um þrjá fjórðu.

Takturinn er því upp á við því líkt og Túristi greindi nýverið frá þá gerir flugáætlun Icelandair í september ráð fyrir að félagið verði á um sextíu prósent afköstum miðað við það sem var.

Í svari til Túrista segir Ásdís Pétursdóttir, upplýsingafulltrúi Icelandair, að gert sé ráð fyrir að fljúga meirihlutann af september áætluninni. Breytingar yrðu einungis smávægilegar bætir hún við.

Það hefur einkennt síðustu mánuði að flugfarþegar, bæði hér heima og í útlöndum, bóka farmiða með mun styttri fyrirvara en var fyrir heimsfaraldur. Af þessum sökum hafa stjórnendur flugfélaga víða um heim sagt að erfitt sé að ráða í framhaldið.

Spurð hvort bókunarfyrirvarinn sé að lengjast þá segir Ásdís að hann sé ennþá stuttur og þar hafi Covid-19 mest áhrif. Til viðbótar þá bendir Ásdís á að fólk bóki að jafnaði ferðir á haustin og veturnar með minni aðdraganda en sumarferðir og það hefur líka sín áhrif.

Nýtt efni

Stjórnendur rafbílaframleiðandans Tesla leita nú leiða til að draga úr kostnaði og horfa þeir til þess að segja upp 14 þúsund starfsmönnum eða um 10 prósent af vinnuaflinu. Þetta kemur fram í tölvupósti sem forstjóri félagsins, Elon Musk, sendi til starfsfólks samkvæmt frétt sem fagritið Electrek birti í morgun. „Ég hata ekkert meira en þetta …

Stefnt er að því að á hótelinu verði veitingastaður, ráðstefnu- og veislusalur ásamt heilsulind. Síðan er ætlunin að stækka Skógarböðin og tengja þau hótelinu.  Samkvæmt fréttatilkynningu er um að ræða fimm milljarða króna fjárfestingu. Áætlað er að hótelið verði opnað eftir tvö ár, vorið 2026.  „Þetta er virkilega spennandi verkefni sem við hjá Íslandshótelum hlökkum …

Hver hlutur í Icelandair kostaði fyrir opnun Kauphallarinnar í morgun 1 krónu og fjóra aura. Verðið hefur ekki verið svona lágt síðan í nóvember árið 2020 en þá hafði félagið nýverið efnt til hlutafjárútboðs þar sem sölugengið var 1 króna á hlut. Í dag er markaðsvirði Icelandair 43 milljarðar króna og hefur það lækkað um …

Stafræna byltingin gerði fjarvinnu auðveldari og heimsfaraldurinn festi það vinnufyrirkomulag í sessi. Stór og vaxandi hópur fólks nýtir sér þá möguleika sem felast í þessu frelsi - að geta unnið verk sín eiginlega hvar sem er í heiminum, skila unnum verkum af sér án þess að mæta á tiltekinn stað á tilgreindum tíma. Áætlað er …

Sigurð Örn Ágústsson, fyrrum forstjóri Bláfugls, hefur verið ráðinn framkvæmdastjóri viðskiptaþróunar hjá Play. Um er að ræða nýtt svið innan flugfélagsins og verður Sigurður Örn hluti af framkvæmdastjórn flugfélagsins sem nú telur átta manns, einum fleiri en í yfirstjórn Icelandair. Í tilkynningu segir að Sigurður Örn muni hafa það hlutverk að leiða frekari þróun þvert …

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …