Samfélagsmiðlar

Að jafnaði 82 farþegar í hverri ferð

Það voru 17.296 farþegar sem flugu með Play í ágúst eða nálægt tvöfalt fleiri en í júlí þegar félagið flutti 9.899 farþega. Sætanýting batnaði því í síðasta mánuði og var 46,3 prósent miðað við 41,7 prósent í júlí. Þetta sýna mánaðarlegar farþegatölur fyrir ágústmánuð sem Play birti í dag.

Þar kemur jafnframt fram að félagið hafi fram til loka ágúst flutt samtals 27.495 farþega. Og miðað við tölurnar hér að ofan þá hafa akkúrat 300 farþegar flogið með Play í júní. Farþegatölur fyrir þann mánuð höfðu þó ekki verið birtar.

Flugáætlun Play hófst heldur ekki fyrr en 24. júní og náði félagið aðeins að fljúga sex leggi fyrir mánaðamót. Það hafa því að jafnaði verið fimmtíu farþegar í hverri ferð í júní en flestir væntanlega í jómfrúarferðinni til Tenerife. Sætanýtingin í þessum ferðum í júní hefur verið um fjórðungur.

Samkvæmt talningu Túrista fór Play samtals 334 ferðir í júní, júlí og ágúst og það hafa þá að meðaltali 82 farþegar verið í hverri ferð. En hafa ber í huga að flugfélög telja ekki farþega sem ferðast frítt þegar sætanýtingatölur eru gefnar upp í kauphöllum.

Í tilkynningu sem Play sendi frá sér í tilefni af útgáfu farþegatalnanna fyrir ágúst segir að í byrjun mánaðar hafi strax sést teikn á lofti um viðsnúning á þeirri þróun sem átti sér stað um miðjan júlí þegar ný bylgja kórónuveirunnar skall á hér á landi.

„Eftir því sem mánuðurinn leið jókst eftirspurn, sérstaklega meðal íslenskra farþega og óskir um breytingar á ferðadagsetningum snarminnkuðu. Hvað varðar sumarleyfisstaði sem Play flýgur til má segja að eftirspurn hafi áfram verið vel umfram væntingar í ágúst. Þá jókst einnig eftirspurn meðal erlendra farþega en síðustu vikur hefur fyrirtækið unnið markvisst að því að markaðssetja sig á erlendum mörkuðum,“ segir í tilkynningu.

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …