Samfélagsmiðlar

Aldrei meiri samkeppni í flugi til Amsterdam

amsterdam Jace Grandinetti

Það verður flogið héðan til Amsterdam þrettán sinnum í viku í vetur eins og staðan er í dag.

Frá og með byrjun desember geta farþegar á leið milli Keflavíkurflugvallar og Schiphol valið á milli áætlunarferða þriggja flugfélaga. Þetta verður í fyrsta sinn sem baráttan verður svona hörð um farþegana á flugleiðinni.

Hingað til hefur í mesta lagi eitt flugfélag veitt Icelandair samkeppni í flugi til höfuðborgar Hollands.

Núna er það Transavia sem hóf að fljúga héðan frá Amsterdam í kjölfar gjaldþrots Wow Air. En íslenska félagið hafði verið umsvifamikið á þessari flugleið og á tímabili voru breiðþotur, með sæti fyrir 365 farþega, notaðar í ferðirnar.

Wow Air fór samt hægt af stað í Amsterdam. Jómfrúarferðin var farin í sumarbyrjun 2013 og það var ekki fyrr en Ameríkuflug Wow Air hófst sumarið 2015 að hollenska borgin varð hluti af vetraráætluninni. Stór hluti þeirra sem flugu með Icelandair og Wow Air til og frá Amsterdam voru nefnilega tengifarþegar á leið til Norður-Ameríku.

En þrátt fyrir að Bandaríkjaflug Play hefjist ekki fyrr en á næsta ári þá ætlar félagið að spreyta sig á vetrarflugi til Amsterdam. Jómfrúarferðin verður farin eftir tíu vikur og flogið verður á mánudögum og föstudögum til að byrja með. Síðan færast brottfarirnar yfir á miðvikudag og laugardag sem skrifast á framboð á flugvélum í flota Play.

Miðasala í ferðir Play til Amsterdam hófst í morgun og ódýrustu miðarnir, aðra leiðina, kosta um 10 þúsund krónur. Lægstu fargjöldin hjá Transavia eru á sama róli en aftur á móti þarf að borga að lágmarki um 15 þúsund kr. hjá Icelandair. Hjá öllum flugfélögum fylgir ekki farangur með ódýrustu sætunum.

Nýtt efni

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …

Kopar er nú meðal eftirsóttustu hráefna í iðnaði og verð á honum hækkar ört - svipað og gerðist með hráolíuna á áttunda áratugnum eftir að olíuframleiðendur í Arabalöndunum settu viðskiptabann á Bandaríkin og bandalagsríki þeirra vegna stuðnings við Ísrael í Yom Kippur-stríðinu. Mikil hækkun á verði kopars á mörkuðum skýrist raunar að hluta af auknum …

Ísland komst fyrst á kortið hjá United Airlines vorið 2018 þegar félagið hóf áætlunarflug hingað frá New York. Síðar bætti bandaríska flugfélagið við ferðum hingað frá Chicago og í báðum tilvikum voru brottfarir í boði frá frá vori og fram á haust. Í fyrra varð ekkert út Íslandsflugi United frá New York en í lok …

Ferjan Sæfari leggst að bryggju í Sandvík, þorpi Grímseyjar, um hádegisbil eftir um þriggja klukkustunda siglingu frá Dalvík. Ferjan stoppar ekki lengi í eyjunni í þetta sinn heldur leggur aftur af stað frá Grímsey klukkan 14. Dagsferðalangar í Grímsey á veturna stoppa því aðeins í tæpar tvær klukkustundir í eyjunni en leggja á sig meira …

Mótun ferðamálastefnu fyrir Ísland til ársins 2030 var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira en 100 manns að þeirri vinnu. Drög að tillögu til þingsályktunar voru birti í febrúar og …

Þrátt fyrir takmarkað framboð á flugi innan Evrópu þá eru fargjöld ekki á uppleið og verðþróunin er neytendum í hag nú í sumarbyrjun að sögn forstjóra og fjármálastjóra Ryanair sem kynntu nýtt ársuppgjör félagsins nú í morgun. Reikningsár þessa stærsta lágfargjaldaflugfélags Evrópu lauk í lok mars sl. og þar var niðurstaðan hagnaður upp á 1,9 …