Samfélagsmiðlar

Bílaleigur fengu meira, veitingageirinn jafnmikið en hótelin misstu um 2 milljarða

Veitingastaðurinn Snaps í Reykjavík.

Fyrir heimsfaraldur voru útlendingar hálfdrættingar á við Íslendinga þegar kom að allri greiðslukortanotkun hér á landi. Vægi erlendra ferðamanna hefur verið miklu hærra þegar kemur að kaupum á gistingu, veitingum og leigu á bílum.

Til marks um það þá nam erlend kortavelta á hótelum 8,2 milljörðum króna í ágúst 2019 á meðan innlenda veltan var innan við tíund af þeirri upphæð. Greiðslukortanotkun á bílaleigunum var að sama skapi nærri öll hjá útlendingum.

Aftur á móti voru íslensk kort meira notuð en erlend til að greiða fyrir veitingaþjónustu. Af 9,7 milljarða króna kortaveltu í þeim geira í ágúst 2019 þá stóðu íslensk greiðslukort undir nærri sextíu prósent af veltunni.

En þrátt fyrir umtalsverða fækkun ferðamanna þá hækkuðu kortatekjur bílaleiganna í ágúst í ár um rúmlega hálfan milljarð króna. Velta útlendinganna hækkaði um 356 milljónir og sú íslenska um 172 milljónir króna. Skýringin liggur m.a. í hærra leiguverði.

Erlend kortanotkun vegna kaupa á veitingaþjónustu lækkaði hins vegar úr tæpum fjórum milljörðum króna niður í 3,3 milljarða frá ágúst 2019 og til ágúst í ár.

Á móti kom að núna voru íslensk kort notuð í mun meira mæli til að greiða fyrir alls kyns veitingar. Upphæðin fór úr 5,7 milljörðum í nærri 6,4 milljarða. Samanlögð kortavelta í veitingageiranum í ágúst var því á pari við það sem var á sama tíma í hittifyrra eins og sjá má á grafinu hér fyrir neðan.

Hótelgeirinn þarf hins vegar á fleiri útlendingum að halda því þar er kortavelta mun minni en áður. Úttektir á erlend kort á íslenskum hótelum lækkuðu úr 8,2 milljörðum króna í 5,9 milljarða kr. milli ágústmánaða. Hótelin fengu reyndar nærri hálfan milljarða aukalega frá íslenskum viðskiptavinum að þessu sinni en það nægði þó ekki til að bæta hótelunum upp það sem þau fóru á mis við vegna fækkunar erlendra viðskiptavina.

Þessir útreikningar Túrista hér að ofan byggja á gagnagrunni Rannsóknarseturs verslunarinnar. Í því samhengi er rétt að benda á að margir ferðamenn greiða fyrir kaup á gistingu í gegnum erlendar síður og sú kortavelta ratar ekki í tölurnar sem hér er stuðst við.

Nýtt efni

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki sem talið geta ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við …

Icelandair var stundvísasta flugfélag Evrópu í nýliðnum júní samkvæmt lista greiningafyrirtækisins Cirium. Að jafnaði voru 84 prósent ferða Icelandair á réttum tíma í síðasta mánuði sem er á pari við stundvísina í maí. Í öðru sæti á lista Cirum er Iberia Express og Iberia í þriðja sæti. SAS varð í fjórða og Finnair í fimmta …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …

„Ef maður vill færa út kvíarnar þá verður að taka áhættuna þegar „eina raunverulega" vöruhúsakeðjan í Evrópu er til sölu," segir Ayad Al-Saffar, stofnandi Axcent of Scandinavia, sem um helgina keypti belgíska verslunarfélagið Inno í félagi við fjárfestingafélagið Skel. Stjórnarformaður þess síðastnefnda er Jón Ásgeir Jóhannesson sem jafnframt fer fyrir meirihluta í fjárfestingafélaginu en Jón …

Kaupmannahafnarflugvöllur er fjölfarnasta flughöfn Norðurlanda og fóru hátt í 2,9 milljónir farþega þar um í júní eða ríflega þrefalt fleiri en um Keflavíkurflugvöll á sama tíma. Íslenski flugvöllurinn kemst þó á blað yfir vinsælustu áfangastaðina fyrir farþega í Kaupmannahöfn og er í níunda sæti á topplistanum fyrir júní. Í þeim mánuði nýttu 55.515 farþegar sér …

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …