Samfélagsmiðlar

Bólusettir ferðamenn munu ekki þurfa PCR-próf

Það styttist í að bólusettir ferðamenn geti ferðast til Bretlands án þess að fara í Covid próf fyrir ferðalag. Heimamenn ættu líka að sleppa við próf eftir heimkomu.

Þó daglega séu um eitt þúsund manns lagðir inn á spítala í Bretlandi vegna Covid-19 sýkingar þá ætla stjórnvöld þar í landi að létta verulega á öllum sóttvarnaraðgerðum. Bæði innanlands og eins við landamærin. Öll áform um að innleiða almenna notkun á kórónaveirupössum verða sett á ís og litakerfið við landamærin verður að mestu fellt niður. Þetta herma heimildir The Telegraph.

Í frétt breska blaðsins segir að í framverði verði erlend ríki aðeins flokkuð í tvo hópa. Annars vegar lönd sem heimilt er að heimsækja og þau sem ekki má ferðast til. Núverandi krafa um að allir þeir sem ferðast til Bretland fari í PCR-próf verður sömuleiðis felld niður.

Þeir sem ekki hafa verið bólusettir að fullu verða þó að gangast undir þess háttar próf og líka þeir sem koma frá ríkjum sem bresk yfirvöld leggjast gegn ferðalögum til. Núverandi listi yfir svokölluð rauð ríki verður þó styttur verulega í tengslum við breytinguna..

Gert er ráð fyrir að Boris Johnsson, forsætisráðherra Bretlands, kynni afléttingu aðgerða nú í vikunni.

Samkvæmt þeim reglum sem gilda við bresk landamæri í dag þá verða allir þeir sem fljúga til Bretlands að framvísa nýlegri neikvæðri niðurstöðu úr Covid-19 prófi. Íbúar landsins verða auk þess að taka PCR-próf eftir heimkomu. Þetta eru sambærilegar reglur og gilda við íslensk landamæri. Víðast hvar í Evrópu fá þeir bólusettu, auk barna og unglinga, að ferðast yfir landamæri án þess að taka Covid-19 próf.

Nú stefnir í að Bretar ætli líka þá leið og í frétt The Telegraph er bent á að með fyrrnefndum breytingum þá lækki kostnaðurinn við utanlandsferðir töluvert því PCR-próf í Bretlandi kosta á bilinu 50 til 200 pund. Það jafngildir 9 til 36 þúsund krónum.

– 30 daga áskrift á 300 krónurþessi frétt sem þú varst að lesa er öllum opin. Stór hluti af greinum Túrista er þó aðeins fyrir áskrifendur og nú geturðu lesið allt hér á síðunni í 30 daga fyrir aðeins 300 kr. Að þeim tíma loknum er greitt fullt gjald eða 2.650 kr. á mánuði. Notaðu afsláttarkóðann „300“ þegar þú pantar áskrift hér. Það er alltaf hægt að segja upp áskriftinni fyrir þann tíma.

Nýtt efni

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …

Flugstöðin í Changi í Singapúr er ekki lengur í efsta sæti á árlegum lista Skytrax yfir bestu flugvellina heldur í öðru sæti. Hamad alþjóðaflugvöllurinn í Doha í Katar toppar nú listann sem birtur var í gær en hann byggir á einkunnagjöf farþega. Í þriðja sæti er Incheon í Seoul en í næstu tveimur sætum eru …

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …