Samfélagsmiðlar

Engin tilmæli varðandi utanlandsferðir bólusettra Íslendinga

Finnsk og norsk stjórnvöld biðja íbúa landanna að ferðast ekki út fyrir Schengen svæðið. Hér á landi er þetta ekki eins skýrt.

Óbólusettir íbúar Íslands eru ennþá beðnir um að ferðast ekki út í heim.

Íbúum Íslands er ráðið frá ferðalögum til áhættusvæða án bólusetningar samkvæmt því sem segir á Covid.is, vef sem embætti landlæknis og almannavarnir halda úti. Þar segir jafnframt að öll lönd að undanskildu Grænlandi séu skilgreind sem áhættusvæði.

Þetta áhættumat hefur ekki verið uppfært síðan í febrúar sl. og aðspurður segir Þórólfur Guðnason, sóttvarnalæknir, að þau tilmæli standi enn að hvetja óbólusetta til að ferðast ekki til útlanda. Aftur á móti segir sóttvarnalæknir að engin sérstök tilmæli séu til þeirra sem hafa verið bólusettir.

Hafa slakað á ferðaviðvörunum

Lengi vel var Finnum ráðlagt að halda sig heima og reyndar segir á vef Stjórnarráðs Íslands að finnsk stjórnvöld ráði fólki frá ferðalögum til útlanda. Sú regla er ekki lengur í gildi því á vef finnska stjórnarráðsins er þeim tilmælum beint til íbúa landsins að ferðast ekki að nauðsynjalausu til landa utan Schengensvæðisins. Það sama gildir í Noregi samkvæmt reglum sem gefnar voru út þar í landi í síðustu viku.

Dönsk stjórnvöld gefa hins vegar út tilmæli eftir löndum og er Dönum til að mynda ráðið frá ferðalögum til Íslands vegna þeirra reglna sem gilda við íslensku landamærin.

Eina landið sem fer fram á próf frá bólusettum

Íbúar á Schengensvæðinu geta í dag ferðast milli aðildarríkja án þess að fara í Covid-próf svo lengi sem viðkomandi er bólusettur. Ísland er þó undantekning frá þessari reglu líkt og Túristi fjallaði um í fyrradag. Við íslensku landamærin verða allir að framvísa neikvæðum niðurstöðum úr nýlegu Covid-prófi, líka þeir bólusettu. Til viðbótar eiga Íslendingar og aðrir sem hér búa eða starfa að fara í annað próf innan tveggja sólarhringa frá heimkomu.

Bretar eru með samskonar reglur og gilda hér á landi en þar er umræða um tilslakanir eins og BBC greindi frá í morgun.

—–

30 daga áskrift á 300 krónur.
Stór hluti af greinum Túrista er aðeins fyrir áskrifendur. Þú færð fullan aðgang í 30 daga fyrir aðeins 300 kr. með því að nota afsláttarkóðann „300“ þegar þú pantar áskrift hér. Að þeim tíma loknum er greitt fullt gjald (2.650 kr.) en alltaf hægt að segja áskriftinni upp.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …