Samfélagsmiðlar

Erlend kortavelta í verslunum Icewear meiri en fyrir heimsfaraldur

Aðalsteinn Pálsson, framkvæmdastjóri Icewear, segir að fyrirtækið hafi notið góðs af því undanfarið eitt og hálft ár að Íslendingar hafi ekki ferðast mikið til útlanda. Þeir hafi því verslað í meira mæli hér heima.

„Það skipti algjörlega sköpum fyrir reksturinn að landið var opnað núna í vor eftir frostið allan síðasta vetur. Sala til ferðafólks var eðlilega engin í vetur en varð strax lífleg í júní og hefur verið mjög góð fram til dagsins í dag,“ segir Aðalsteinn Pálsson, framkvæmdastjóri Icewear, aðspurður um gang mála nú í sumar.

Fyrirtækið rekur sautján verslanir þar sem meðal annars útivistarfatnaður og ullarvara er á boðstólum auk minjagripa og gjafavöru. Og til marks um jákvæða þróun hjá Icewear undanfarna mánuði þá var kortavelta erlendra ferðamanna í verslunum fyrirtækisins í ágúst meiri en í sama mánuði árið 2019. Aðalsteinn bendir þó á að verslanirnar séu fleiri í dag en þær voru sumarið 2019 en á móti komi að sala til farþega skemmtiferðaskipa sé nær engin.

Þegar horft er á allan markaðinn þá lækkaði kortavelta erlenda ferðamanna í minja- og gjafavöruverslunum í ágúst sl. um nærri helming frá ágúst 2019 samkvæmt tölum Rannsóknarseturs verslunarinnar. Í fataverslunum nam lækkunin um tíund á sama tímabili. Þróunin hjá Icewear á annan veg sem fyrr segir.

Asískir ferðamenn hér á landi hafa almennt verið kaupglaðir en ennþá liggja ferðalög milli Asíu og Evrópu niðri og það munar um það að sögn Aðalsteins.

„Það er mikið högg fyrir rekstur á ferðamannamarkaði að missa allt ferðafólkið frá Asíu, annað árið í röð. En sem betur fer þá hafa ýmsar aðrar þjóðir aukið komur sínar á sama tíma. Ísraelar voru óvænt en ánægjuleg viðbót í verslunum Icewear í sumar. Það er líka áberandi mikil aukning hjá Tékkum en Bandaríkjamenn eru samt uppistaðan og kortavelta þeirra jókst mjög frá árinu 2019. Hlutfall þeirra af heildarkortaveltu hefur aldrei verið hærra en í ár. Aðrar þjóðir voru á svipuðum reki og fyrri ár en þó var veltan eitthvað minni hjá Þjóðverjum, Bretum og hinum Norðurlandaþjóðunum.“

Aðalsteinn segir þó að kauphegðunin hafi breyst í sumar frá því sem var, þeir sem komi versli fyrir hærri upphæðir.

„Fólk ferðast á bílaleigubílum, gistir á hótelum og öll veitingahús eru fullbókuð. Þannig að mynstrið er eitthvað að breytast eins og við kannski vorum að vonast eftir þannig að vonandi heldur þetta áfram að þróast í þessa átt.“

Nýtt efni

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

Icelandair var stundvísasta flugfélag Evrópu í nýliðnum júní samkvæmt lista greiningafyrirtækisins Cirium. Að jafnaði voru 84 prósent ferða Icelandair á réttum tíma í síðasta mánuði sem er á pari við stundvísina í maí. Í öðru sæti á lista Cirum er Iberia Express og Iberia í þriðja sæti. SAS varð í fjórða og Finnair í fimmta …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …

„Ef maður vill færa út kvíarnar þá verður að taka áhættuna þegar „eina raunverulega" vöruhúsakeðjan í Evrópu er til sölu," segir Ayad Al-Saffar, stofnandi Axcent of Scandinavia, sem um helgina keypti belgíska verslunarfélagið Inno í félagi við fjárfestingafélagið Skel. Stjórnarformaður þess síðastnefnda er Jón Ásgeir Jóhannesson sem jafnframt fer fyrir meirihluta í fjárfestingafélaginu en Jón …

Kaupmannahafnarflugvöllur er fjölfarnasta flughöfn Norðurlanda og fóru hátt í 2,9 milljónir farþega þar um í júní eða ríflega þrefalt fleiri en um Keflavíkurflugvöll á sama tíma. Íslenski flugvöllurinn kemst þó á blað yfir vinsælustu áfangastaðina fyrir farþega í Kaupmannahöfn og er í níunda sæti á topplistanum fyrir júní. Í þeim mánuði nýttu 55.515 farþegar sér …

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …