Samfélagsmiðlar

Icelandair komið nær 2019 tölunum en hin flugfélögin

Til marks um aukin umsvif Icelandair þá flutti félagið fleiri farþega í júlí en Finnair. Í flota finnska félagsins eru um þrefalt fleiri þotur en hjá því íslenska. Og bilið á milli þessara félaga í ágúst var sáralítið eins og sjá má á töflunni hér fyrir neðan.

Rétt um tvö þúsund fleiri farþegar nýttu sér þá ferðir Finnair en Icelandair.

Viðsnúningurinn hjá Icelandair er þó mun meiri þegar horft er til ágúst í fyrra og hittifyrra. Farþegahópurinn hjá Icelandair í síðasta mánuði var nærri helmingur af því sem var á sama tíma árið 2019. Samdrátturinn hjá Finnair nemur aftur á móti 80 prósentum.

Þar munar miklu um að ferðalög milli Asíu og Evrópu liggja nærri alveg niðri en flug milli heimsálfanna tveggja er meginstoðin í rekstri Finnair. Á sama hátt og flug yfir Norður-Atlantshafið er grunnurinn að viðskiptaplani Icelandair. Á þeim markaði er hins vegar meira líf því Bandaríkjamenn mega ferðast til Evrópu þó Íslendingar og aðrir Evrópubúar fái ekki að fara yfir bandarísk landamæri.

Umsvifin hjá SAS í nýliðnum mánuði voru um fjörutíu prósent af því sem var í ágúst 2019. Niðursveiflan hjá Norwegian var aftur á móti álíka og hjá Finnair þegar horft er tvö ár aftur í tímann.

Skýringin liggur í því að norska félagið hefur hætt öllu flugi til Bandaríkjanna og lagt niður starfsstöðvar sínar í London, París og víðar á meginlandi Evrópu. Félagið verður því ósennilega á ný álíka stórt og það var.

Stjórnendur Icelandair, Finnair og SAS stefna þó á að ná fyrri hæðum og þar er Icelandair komið lengst á leið. Alla vega þegar horft er til síðasta mánaðar sumarsins í ár.

Nýtt efni

„Við erum á lokametrunum í undirbúningi og opnum vonandi í september," segir Inga Harðardóttir, framkvæmdastjóri Flóra hotels, um nýtt íbúðahótel á vegum Reykjavik Residence við Vatnsstíg. Á nýja hótelinu verða 26 íbúðir í nýuppgerðum fasteignum milli Laugavegs og Hverfisgötu en Reykjavik Residence rekur íbúðahótel á nokkrum stöðum í miðborginni. Flóra hotels, móðurfélag Reykjavík Residence, rekur …

Níunda fjórðunginn í röð lækkar verð á notuðum lúxus úrum og verðlækkun ársins nemur 1,2 prósentum, samkvæmt fjárfestingabankanum Morgan Stanley sem vel fylgist með verðþróuninni. Dýrustu úrin hafa lækkað ennþá meira og þannig hefur verðið á notuðu Rolex farið niður um 7,2 prósent síðastliðna 12 mánuði. Morgan Stanley gerir ráð fyrir að þessi verðþróun verði …

Rekstrarafkoma Play var neikvæð um 2,9 milljarða króna í fyrra og svo bættust við rúmir þrír milljarðar í fjármagnskostnað. Tapið fyrir skatt nam því 6,3 milljörðum króna. Afkomuspáin fyrir yfirstandandi ár gerði ráð fyrir að rekstrarafkoman yrði í kringum núllið en nú hefur staðan versnað og reiknað er með neikvæðri afkomu. Þetta kemur fram í …

Verð á hlutabréfum í þýska rafhlöðuframleiðandanum Varta hrundi við opnun markaðar í Frankfurt í dag, eða um nærri 80%, eftir að fréttir bárust af tillögum um endurskipulagningu fyrirtækisins. Þær myndu leiða til þess að hlutabréf núverandi eigenda yrðu nánast verðlaus.  Meðal þess sem að rætt er um er að núverandi meirihlutaeigandi, austurríski milljarðamæringurinn Nichael Tojner, …

Meðal þess sem kom í ljós eftir Covid-19-faraldurinn var að starfsfólk skorti í vaxandi ferðaþjónustu víða um heim. Faraldurinn truflaði gangverk vinnumarkaðar margra landa og sér ekki fyrir endann á því. Skortur á starfsfólki gæti hamlað vexti í greininni. Ætli megi ekki segja að fólk vilji fremur ferðast en þjóna öðrum? Vandræði eru á mörgum …

Íslandssjóðir eru ekki lengur meðal 20 stærstu hluthafa Icelandair en sjóðastýringafyrirtækið, sem er í eigu Íslandsbanka, varð stærsti hluthafinn í Play eftir hlutafjáraukningu í apríl sl. Íslandssjóðir hafa síðustu mánuði dregið töluvert úr fjárfestingu sinni í Icelandair og eru ekki lengur meðal tuttugu stærstu hluthafanna. Nú eru aftur á móti tvö eignarhaldsfélög á vegum Högna …

Ekkert félag flýgur fleirum innan Evrópu en lágfargjaldaflugfélagið Ryanair gerir og síðustu mánuði hafa farþegar félagsins að jafnaði borgað minnað fyrir sætin en þeir sem voru á ferðinni í fyrra. Tekjur félagsins lækkuðu þannig á milli ára samkvæmt uppgjöri sem félagið birti í morgun fyrir fjórðunginn apríl til júní. Sá er fyrsti fjórðungur reikningsársins hjá …

BYD

Kínverski rafbílaframleiðandinn BYD lækkaði verð á bílum sínum á íslenska markaðnum í ársbyrjun þegar dregið var úr opinberum stuðningi við kaup á nýjum rafbílum. Þar með gat Vatt, sem er með umboð fyrir BYD hér á landi, boðið ódýrustu tegundina á lægra verði en í fyrra að því gefnu að kaupandinn fái hinn nýja rafbílastyrk …