Samfélagsmiðlar

Nýtingin í flugi Icelandair og Play til Berlínar batnaði í ágúst

Ný flugstöð var vígð í Berlín í lok síðasta árs og nú fara bæði farþegar Icelandair og Play þar um.

Höfuðborg Þýskalands var lengi mikilvægur áfangastaður í leiðakerfi Iceland Express en félaginu tókst þó ekki að halda úti ferðunum þangað yfir háveturinn. Það heppnaðist hins vegar hjá Wow Air sem jók umsvif sín í borginni ár frá ári. Það var hins vegar ekki fyrr en Airberlin fór á hausinn árið 2017 að Icelandair hóf flug til þýsku höfuðborgarinnar á nýjan leik eftir margra ára fjarveru.

Allt frá falli Wow Air hefur Icelandair svo setið eitt að Berlín en ferðirnar þangað lágu reyndar niðri allan síðasta vetur og það var ekki fyrr en í lok maí sem félagið tók upp þráðinn. Þá var bara farin ein ferð á dagskrá og flugu aðeins 25 farþegar með félaginu til Berlínar og 66 farþegar heim til Íslands. Sætanýtingin var þar með rétt um fjórðungur.

Í júní var Icelandair líka eitt á þessari flugleið og flutti þá samtals nærri sautján hundruð farþega til og frá Berlín samkvæmt tölum frá flugmálayfirvöldum þar í borg. Sætanýting fór þá upp í nærri sextíu prósent eins og sjá má hér fyrir neðan.

Play kom inn á þýska markaðinn í júlí og framboðið jókst umtalsvert en farþegunum fjölgaði ekki í sama takti. Niðurstaðan var sú að rétt um helmingur sætanna í þotum Icelandair og Play voru skipuð farþegum.

Þær tölur sem flugmálayfirvöld í Berlín létu Túrista í té eru ekki sundurliðaðar eftir flugfélögum og því er ekki hægt að segja til um hver sætanýtingin var hjá hvoru félagi fyrir sig. Í heildina var sætanýtingin hjá Icelandair 70 prósent í júlí en aðeins 42 prósent hjá Play. Og Túristi hefur áður greint frá því að nýtingin í flugi síðarnefnda félagsins til Spánar var töluvert yfir því hlutfalli. Þar með ljóst að flug til annarra áfangastaða hefur dregið heildarnýtinguna niður.

Í ágúst batnaði svo nýtingin á flugleiðinni og þá voru um sex af hverjum tíu sætum seld í flugi íslensku flugfélaganna milli Íslands og Berlínar. Til samanburðar var heildarsætanýtingin Play 46 prósent í ágúst en 72 prósent hjá Icelandair.

Þess ber að geta að þegar flugfélög reikna út sætanýtingu þá er notast við fluglengd eða framboð á sætiskílómetrum. Þar með vega lengri flugleiðir þyngra en þær styttri. Í útreikningum Túrista hér að ofan er aðeins horft til fjölda farþega miðað við framboð á flugsætum.

Nýtt efni

„Við erum á lokametrunum í undirbúningi og opnum vonandi í september," segir Inga Harðardóttir, framkvæmdastjóri Flóra hotels, um nýtt íbúðahótel á vegum Reykjavik Residence við Vatnsstíg. Á nýja hótelinu verða 26 íbúðir í nýuppgerðum fasteignum milli Laugavegs og Hverfisgötu en Reykjavik Residence rekur íbúðahótel á nokkrum stöðum í miðborginni. Flóra hotels, móðurfélag Reykjavík Residence, rekur …

Níunda fjórðunginn í röð lækkar verð á notuðum lúxus úrum og verðlækkun ársins nemur 1,2 prósentum, samkvæmt fjárfestingabankanum Morgan Stanley sem vel fylgist með verðþróuninni. Dýrustu úrin hafa lækkað ennþá meira og þannig hefur verðið á notuðu Rolex farið niður um 7,2 prósent síðastliðna 12 mánuði. Morgan Stanley gerir ráð fyrir að þessi verðþróun verði …

Rekstrarafkoma Play var neikvæð um 2,9 milljarða króna í fyrra og svo bættust við rúmir þrír milljarðar í fjármagnskostnað. Tapið fyrir skatt nam því 6,3 milljörðum króna. Afkomuspáin fyrir yfirstandandi ár gerði ráð fyrir að rekstrarafkoman yrði í kringum núllið en nú hefur staðan versnað og reiknað er með neikvæðri afkomu. Þetta kemur fram í …

Verð á hlutabréfum í þýska rafhlöðuframleiðandanum Varta hrundi við opnun markaðar í Frankfurt í dag, eða um nærri 80%, eftir að fréttir bárust af tillögum um endurskipulagningu fyrirtækisins. Þær myndu leiða til þess að hlutabréf núverandi eigenda yrðu nánast verðlaus.  Meðal þess sem að rætt er um er að núverandi meirihlutaeigandi, austurríski milljarðamæringurinn Nichael Tojner, …

Meðal þess sem kom í ljós eftir Covid-19-faraldurinn var að starfsfólk skorti í vaxandi ferðaþjónustu víða um heim. Faraldurinn truflaði gangverk vinnumarkaðar margra landa og sér ekki fyrir endann á því. Skortur á starfsfólki gæti hamlað vexti í greininni. Ætli megi ekki segja að fólk vilji fremur ferðast en þjóna öðrum? Vandræði eru á mörgum …

Íslandssjóðir eru ekki lengur meðal 20 stærstu hluthafa Icelandair en sjóðastýringafyrirtækið, sem er í eigu Íslandsbanka, varð stærsti hluthafinn í Play eftir hlutafjáraukningu í apríl sl. Íslandssjóðir hafa síðustu mánuði dregið töluvert úr fjárfestingu sinni í Icelandair og eru ekki lengur meðal tuttugu stærstu hluthafanna. Nú eru aftur á móti tvö eignarhaldsfélög á vegum Högna …

Ekkert félag flýgur fleirum innan Evrópu en lágfargjaldaflugfélagið Ryanair gerir og síðustu mánuði hafa farþegar félagsins að jafnaði borgað minnað fyrir sætin en þeir sem voru á ferðinni í fyrra. Tekjur félagsins lækkuðu þannig á milli ára samkvæmt uppgjöri sem félagið birti í morgun fyrir fjórðunginn apríl til júní. Sá er fyrsti fjórðungur reikningsársins hjá …

BYD

Kínverski rafbílaframleiðandinn BYD lækkaði verð á bílum sínum á íslenska markaðnum í ársbyrjun þegar dregið var úr opinberum stuðningi við kaup á nýjum rafbílum. Þar með gat Vatt, sem er með umboð fyrir BYD hér á landi, boðið ódýrustu tegundina á lægra verði en í fyrra að því gefnu að kaupandinn fái hinn nýja rafbílastyrk …