Samfélagsmiðlar

Fargjöldin upp á við og líka kostnaðurinn

Að jafnaði voru sjö af hverjum tíu sætum í þotum Icelandair skipuð farþegum á þriðja fjórðung ársins.

Það kostar töluvert meira að reka Icelandair í dag en lagt var upp með í hlutafjárútboði félagsins sl. haust. Það vegur hins vegar upp á móti hækkuninni að fargjöld félagsins eru hærri í dag en þau voru þegar samkeppnin við Wow Air og Norwegian var hörðust.

Því samkvæmt útreikningum Túrista þá voru tekjur félagsins á hvern seldan kílómetra (Yield) um 12 prósent hærri á þriðja fjórðungi ársins í samanburði við sama tímabil árið 2018. Í samanburði við þriðja ársfjórðung 2019 nemur hækkunin nærri tíund en það var í lok mars það ár sem Wow Air varð gjaldþrota. Mikil umsvif Norwegian í flugi til Bandaríkjanna settu líka pressu á fargjöldin hjá Icelandair fram að heimsfaraldri. Norska félagið er hins vegar horfið af bandaríska markaðnum og þar með getur Icelandair rukkað meira.

Þarna spilar líka inn í að núna eru tengifarþegar fáir en þeir borga alla jafna minna á hvern floginn kílómetra en þeir sem fljúga bara til og frá Íslandi.

Þess ber að geta að forráðamenn Icelandair vilja ekki gefa upplýsingar um þróun tekna á hvert selt sæti þó þess háttar upplýsingjagjöf þyki víða sjálfsögð. Í svari Icelandair, við fyrirspurn Túrista, segir aðeins að ánægja sé með tekjumyndunina á þriðja ársfjórðungi.

Icelandair gefur þó upp hvernig tekjur á hvern floginn kílómetra hafa þróast. En núna þegar óseldu sætin eru miklu fleiri en þau voru fyrir heimsfaraldur þá hafa tekjurnar lækkað á hvern floginn kílómetra eins og sjá má hér fyrir neðan.

Þegar horft er til einingakostnaðar þá hækkaði hann um tíund á þriðja fjórðungi ársins í samanburði við sama tíma árið 2019. Það sem af er ári er hann þrjátíu prósent hærri en fyrstu níu mánuðina árið 2019 eða 9,5 bandarísk cent. Markmiðið var að ná honum niður í 8 cent samkvæmt því sem fjárfestum var kynnt sl. haust.

Skýringin á því liggur meðal annars í hækkun á olíuverði samkvæmt svari frá Icelandair en í kynningu á uppgjöri félagsins í gær kom fram eldsneytisverðið hafi verið um 41 prósent hærra á þriðja ársfjórðungi en það var á sama tíma í fyrra.

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …