Samfélagsmiðlar

Farþegatekjurnar um milljarður króna

Í kynningu á hlutafjárútboði Play í sumar var gert ráð fyrir tæplega 2 milljarða tapi í ár. Nú stefnir í að tekjurnar á þessu ári verði þónokkuð lægri en lagt var upp með.

Það voru 15.223 farþegar sem nýttu sér ferðir Play í september. Það er rétt um tvö þúsund færri farþegar en í ágúst. Sætanýtingin var engu að síður betri að þessu sinni eða 52 prósent enda dróst framboðið saman í síðasta mánuði.

Samtals flugu nærri 43 þúsund farþegar með Play frá því að félagið hóf áætlunarflug í lok júní og fram til loka september. Ef tekjur á hvern farþega hafa verið á pari við það sem fjárfestum var kynnt í sumarbyrjun þá hafa þær numið á bilinu 900 til 950 milljónum króna á þessum rúmu þremur mánuðum.

Í fyrrnefndri kynningu var gert ráð fyrir að farþegarfjöldinn færi upp í 143 þúsund í ár og tekjurnar af þeim yrðu 25 milljónir dollara. Það jafngildir um 3,2 milljörðum kr. á gengi dagsins í dag. Tekjurnar þurfa þá að hækka um rúmlega tvo milljarða króna á síðasta fjórðungi ársins.

Hjá Play er reyndar ekki lengur horft til þess að flytja þetta marga farþega í ár. Ástæðan eru þau neikvæðu áhrif sem delta afbrigði kórónuveirunnar hafði á eftirspurn eftir ferðalögum.

En hvort rekstrarkostnaður flugfélagsins hafi dregist hlutfallslega jafn mikið saman og farþegatekjurnar á eftir að koma í ljós. Í umræddri fjárfestakynningu er nefnilega gert ráð fyrir að tap flugfélagsins í ár verði 15 milljónir dollara. Það eru um 1,9 milljarðar króna. Sú niðurstaða byggði á farþegatekjum upp á 3,2 milljarða kr. en nú er það markmið líklegast utan seilingar.

Túristi hefur óskað eftir svörum frá Play um hvort útlit sé fyrir verri afkomu í ár en fjárfestum var kynnt í sumar. Svörin verða birt þegar þau berast.

Nýtt efni

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …