Samfélagsmiðlar

Reikna ekki með Kínverjum fyrr en á seinni helmingi næsta árs

Gangi spár stjórnenda Finnair eftir þá verður bið eftir því að ferðamannastraumurinn frá Kína hefjist á ný.

Árið 2019 þá voru sjö af hverjum hundrað ferðamönnum hér á landi með kínversk vegabréf.

Fjöldi kínverskra ferðamanna hér á landi jókst ár frá ári fyrir heimsfaraldur og árið 2019 komu hingað 139 þúsund Kínverjar. Það sem af er þessu ári hafa rétt um fimmtán hundruð kínverskir farþegar flogið frá Keflavíkurflugvelli samkvæmt talningu Isavia og Ferðamálastofu. Kínversk stjórnvöld hafa ekki ennþá heimilað ferðalög þegna sinna til útlanda og erlendir ferðamenn komast varla til landsins.

Þotur evrópskra flugfélaga taka því miklu sjaldnar stefnuna á Peking, Sjanghæ eða aðrar kínverskar borgir í dag en áður. Það á líka við um Finnair sem hefur um langt skeið verið mjög stórtækt í flug til Austurlanda fjær og um árabil hefur félagið boðið farþegum sínum í Kína upp á daglegar ferðir til Keflavíkurflugvallar með millilendingu í Helsinki.

Það gæti þó orðið bið eftir því að þessar samgöngur hefjist á nýjan leik því stjórnendur Finnair reikna ekki með að Kína opni að ráði fyrr en í fyrsta lagi á seinni hluta næsta árs. Þetta kemur fram í tilkynningu sem félagið sendi frá sér í morgun.

Aftur á móti vonast Finnarnir til þess að flugumferðin til S-Kóreu og Japan taki við sér innan nokkurra mánaða. Í dag takmarkast aftur á móti umsvif Finnair í Asíu að mestu við áætlunarflug til Taílands og Singapúr en bæði þessi lönd eru að opna landamæri sín á nýjan leik.

Nýtt efni

Icelandair var stundvísasta flugfélag Evrópu í nýliðnum júní samkvæmt lista greiningafyrirtækisins Cirium. Að jafnaði voru 84 prósent ferða Icelandair á réttum tíma í síðasta mánuði sem er á pari við stundvísina í maí. Í öðru sæti á lista Cirum er Iberia Express og Iberia í þriðja sæti. SAS varð í fjórða og Finnair í fimmta …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …

„Ef maður vill færa út kvíarnar þá verður að taka áhættuna þegar „eina raunverulega" vöruhúsakeðjan í Evrópu er til sölu," segir Ayad Al-Saffar, stofnandi Axcent of Scandinavia, sem um helgina keypti belgíska verslunarfélagið Inno í félagi við fjárfestingafélagið Skel. Stjórnarformaður þess síðastnefnda er Jón Ásgeir Jóhannesson sem jafnframt fer fyrir meirihluta í fjárfestingafélaginu en Jón …

Kaupmannahafnarflugvöllur er fjölfarnasta flughöfn Norðurlanda og fóru hátt í 2,9 milljónir farþega þar um í júní eða ríflega þrefalt fleiri en um Keflavíkurflugvöll á sama tíma. Íslenski flugvöllurinn kemst þó á blað yfir vinsælustu áfangastaðina fyrir farþega í Kaupmannahöfn og er í níunda sæti á topplistanum fyrir júní. Í þeim mánuði nýttu 55.515 farþegar sér …

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …