Samfélagsmiðlar

Spánarflugið dregur vagninn hjá Play

Flugstöðin í Alicante.

Þær hafa í flestum tilvikum verið þunnskipaðar þotur Play sem flugu til Berlínar, Parísar, London og Kaupmannahafnar í september. Sætanýtingin í flugi félagsins til Alicante, Tenerife og Barcelona var aftur á móti mun betri.

Þetta sýna útreikningar Túrista sem byggja á tölum frá spænskum flugmálayfirvöldum en samtals nýttu 6.084 farþegar sér ferðir Play til og frá Spáni í síðasta mánuði. Miðað við fjölda flugferða þá hafa að jafnaði tvö af hverjum þremur sætum verið bókuð í þessar ferðir.

Hlutfallið var langhæst í fluginu til Alicante eða 79 prósent eins og sjá má hér fyrir neðan.

Það voru alls 15.223 farþegar sem flugu með Play í september og Spánarflugið stóð því undir fjörutíu prósent af fjöldanum. Sjö af hverjum tíu flugferðum Play voru þó til annarra áfangastaða en þeirra spænsku miðað við talningar Túrista.

Miðað við ofannefndar tölur þá liggur fyrir að sætanýtingin í ferðum Play til höfuðborga Þýskalands, Frakklands, Danmerkur og Bretlands var að jafnaði 44 prósent í september.

Túristi hefur ekki fengið upplýsingar frá flugmálayfirvöldum í þessum fjórum löndum sem hægt er að sundurliða eftir flugfélögum. Þar með fæst ekki úr því skorið hvort sætanýtingin hafi verið betri hjá Play í Kaupmannahöfn en í London og svo framvegis.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …