Samfélagsmiðlar

99 krónum ódýrari en Wow Air

washington hvitahusið David Everett Strickler

Frá og með vorinu munu bæði þotur Icelandair og Play lenda í nágrenni við Washington, höfuðborg Bandaríkjanna.

Fyrr í dag opnaði Play fyrir sölu á daglegu áætlunarflugi til bandarísku borganna Boston og Washington. Þetta eru sömu áfangastaðir og urðu fyrir valinu hjá stjórnendum Wow Air þegar það félag hóf flug vestur um haf sumarið 2015.

Miðasala Wow hófst reyndar fyrr eða þann 22. október árið 2014 og þá kostuðu ódýrustu miðarnir til Bandaríkjanna 14.999 krónur, aðra leið.

Hjá Play eru lægstu fargjöldin aftur á móti aðeins ódýrari því hægt er að fá miða til bæði Boston og Washington á 14.900 krónur. Við þessi fargjöld bætist svo gjald fyrir bæði innritaðan farangur (4.675 kr.) og handfarangur (3.570 kr.) og þannig var það líka hjá Wow Air.

Lægstu fargjöldin hjá Play í dag eru um helmingur af því sem borga þarf fyrir ódýrustu miðana með Icelandair til fyrrnefndra borga í vor.

Farið með Icelandair til Boston í vor kostar að lágmarki 31.475 krónur ef keyptur er miði báðar leiðir. Borga þarf 30.775 kr. ef ferðinni er heitið til Washington og lent á Baltimore-Washington flugvelli. Play nýtir einmitt þann flugvöll fyrir sínar ferðir til Washington. Fargjaldið hjá Icelandair er svo um tíund hærra ef farþeginn velur flug til Washington Dulles flugvallar. Sá er álíka langt frá bandarísku höfuðborginni og flugvöllurinn sem kenndur er við Baltimore.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …