Samfélagsmiðlar

Einn stærsti hluthafi Play er nýr á topplistanum hjá Icelandair

Túristi greindi frá því fyrr í dag að lífeyrissjóðurinn Gildi hefði bætt við hlut sinn í Icelandair en aftur á móti hefði hlutur tveggja stórra einkafjárfesta minnkað. Þar kom líka fram að lífeyrissjóðurinn Birta og Lífeyrissjóður Vestmannaeyja hefðu selt hlutabréf að undanförnu.

Þessi frétt byggði á hluthafalista sem Icelandair birti á heimasíðu sinni í gær. Sá listi reyndist vera rangur en það uppgötvaðist fyrst þegar Túristi birti frétt sína. Nú hefur Icelandair birt nýjan lista yfir tuttugu stærstu hluthafanna og samkvæmt honum þá hefur ekki orðið nein breyting á hlutabréfaeign lífeyrissjóðanna þriggja í Icelandair Group síðustu 30 daga.

Bretinn John Shrimpton hefur heldur ekki selt neitt af sínum bréfum líkt og halda mátti miðað við fyrirliggjandi upplýsingar.

Hinn nýi listi leiðir hins vegar í ljóst að hlutabréfasjóðurinn Stokkur, sem rekinn er af Akta, er kominn á lista yfir 20 stærstu hluthafa Icelandair. Stokkur er í dag skráður fyrir 478 milljónum hluta í Icelandair. Það jafngildir 1,33 prósentum af útgefnu hlutafé í flugfélaginu.

Stokkur átti 6,29 prósent hlut í Play um síðustu mánaðamót en félagið hefur ekki birt nýjan lista núna í desember.

Markaðsvirði hlutar Stokks í Play er í dag um 1,1 milljarður króna á meðan bréf sjóðsins í Icelandair eru virði um 850 milljóna kr. Í heildina eiga sjóðir á vegum Akta átt í 8 prósent hlut í Play.

Í frétt Túrista í fyrr í dag, sem byggði á röngum upplýsingum frá Icelandair, kom fram að Bóksal, félag í eigu hjónanna Boga Þórs Siguroddssonar og Lindu Bjarkar Ólafsdóttur, hefði á ný selt bréf í flugfélaginu. Leiðrétti listinn staðfestir það.

Hlutur Bóksals er kominn niður í 1,79 prósent en hann nam 2,27 prósentum í byrjun september. Síðan þá hafa þau Bogi og Linda hins vegar selt fimmta hvern hlut sinn í Icelandair.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …