Samfélagsmiðlar

Fella niður 33 þúsund flugferðir

Tvö af flugfélögum þýsku samsteypunnar bjóða upp á Íslandsflug í vetur.

Þotur Lufthansa á flugvellinum í Frankfurt.

Bókanir á flugferðum frá miðjum janúar og fram í febrúar hafa dregist það mikið saman að stjórnendur Lufthansa Group hafa ákveðið að fella niður um tíundu hverja flugferð á þessu tímabili. Það jafngildir um 33 þúsund brottförum.

Frá þessu greinir þýska blaðið Frankfurter Allgemeine og hefur eftir Carsten Spohr, forstjóra þessarar stærstu flugfélagasamsteypu Evrópu, að samdráttur í bókunum sé fyrst og fremst á heimamörkuðunum. Það er Þýskaland, Sviss, Austurríki og Belgía og bendir Spohr á að útbreiðsla kórónuveirunnar sé mikil í öllum þessum löndum.

Í dag nemur framboð á flugi á vegum Lufthansa Group um sextíu prósent af því sem var fyrir heimsfaraldur. Farþegunum hefur fækkað hlutfallslega meira eða um helming.

Eins og staðan er í dag þá hefur Lufthansa ekki fækkað ferðum sínum til Íslands í janúar og febrúar samkvæmt athugun Túrista. Lufthansa var á tímabili í heimsfaraldrinum eina flugfélagið sem hélt úti áætlunarflugi milli Íslands og Þýskalands því þá lagði Icelandair niður allt flug til þýskra áfangastaða.

Svissneska flugfélagið Edelweiss tilheyrir líka Lufthansa Group og það félag heldur úti vikulegum ferðum hingað frá Zurich í vetur. Ekki hafa heldur verið gerðar breytingar á þeirri dagskrá samkvæmt heimasíðu Edelweiss.

Nýtt efni

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …

Í marsmánuði fór fjöldi erlendra ferðamanna í Japan í fyrsta skipti yfir 3 milljónir, samkvæmt tölum sem birtar voru í síðustu viku. Um 2,7 milljónir komu í febrúar. Auðvitað nýtur japönsk ferðaþjónusta nú uppsafnaðrar löngunar erlendra ferðamanna á að heimsækja loks Japan eftir langvarandi lokun og ferðahindranir í tengslum við Covid-19 en það er ekki …

Jón Atli Benediktsson rektor Háskóla Íslands var heiðraður á ársfundi Meet in Reykjavik í gær. Hann leiddi til sigurs umsókn Íslands um að fá ráðstefnuna „International Geoscience and Remote Sensing Symposium (IGARSS)“ til Reykjavíkur í júlí 2027. Gert er ráð fyrir að 2.500 erlendir vísindamenn og fagfólk á sviði fjarkönnunar frá öllum heimshornum sæki ráðstefnuna …

United Airlines tilkynntu í gær um betri afkomu en vænst var á öðrum ársfjórðungi. Þetta kemur í framhaldi af því að tapið á fyrsta fjórðungi var minna en óttast hafði verið. Megin ástæða þess að vel gengur er einfaldlega mikill áhugi á ferðalögum. Hlutabréf í United hækkuðu strax í fyrstu viðskiptum eftir að tilkynnt var …

Japanskir bílaframleiðandur hafa dregist aftur úr nýrri fyrirtækjum á borð við bandaríska Tesla og kínverska BYD í þróun rafbílasmíði. En menn velta því fyrir sér hvort japanskir framleiðendur á borð við Toyota og Nissan verði ekki fljótir að vinna upp það forskot - og jafnvel ná forystu - með þróun nýrrar gerðar rafhlaðna, sem vonir …

„Viltu nýjan bíl? Ef svarið er já, þá þurfum við að finna pening til að kaupa bílinn. Við getum aflað hans með sjávarútvegi en sú grein er takmörkuð og margir vilja setja skorður á fiskeldi. Til að auka framleiðslu á málmum þarf meiri raforku. Þá er það ferðaþjónustan sem er eftir og því þarf að …

Yfir veturinn eru Bretar fjölmennastir í hópi ferðamanna hér á landi en fyrstu þrjá mánuði þessa árs innrituðu 109 þúsund breskir farþegar sig í flug frá Keflavíkurflugvelli. Fjöldinn stóð í stað frá sama tíma í fyrra en hins vegar fjölgaði brottförum útlendinga um tíund þessa þrjá mánuði. Efnahagsástandið í Bretlandi kann að skýra að það …

Því var fagnað í gær að undirrituð hefði verið viljayfirlýsingu um að Íslandshótel og fjárfestar tengdir Skógarböðunum ætluðu að byggja og reka fjögurra stjörnu hótel við Skógarböðin í Eyjafirði gegnt Akureyri. Á væntanlegu baðhóteli verða 120 herbergi. Sjallinn - MYND: Facebook-síða Sjallans Íslandshótel hafa líka haft áform um að reisa hótel í miðbæ Akureyrar, þar …