Samfélagsmiðlar

Loftleiðir stefna stjórnvöldum á Grænhöfðaeyjum

Eitt af dótturfélögum Icelandair Group missti hlut sinn í helst flugfélagi Grænhöfðaeyja í sumar.

Þotan Eyjafjallajökull í litum Cabo Verde Airlines.

Stjórnvöld á Grænhöfðaeyjum þjóðnýttu flugfélagið Cabo Verde Airlines síðastliðið sumar. Hópur íslenskra fjárfesta átti þá 51 prósent hlut í fyrirtækinu og þar af fór dótturfélag Loftleiða, Loftleiðir Cabo Verde, fyrir 36 prósentum. Ríkissjóður Grænhöfðaeyja var stærsti einstaki hluthafinn því heimamenn héldu eftir 39 prósenta hlut þegar flugfélag eyjaklasans var einkavætt fyrir tveimur árum síðan með sölunni til Íslendinganna.

Rekstur Cabo Verde Airlines stöðvaðist þegar heimsfaraldurinn hófst í fyrra en í mars síðastliðnum stóð til að hið opinbera myndi veita flugfélaginu lán upp á á 16 milljónir evra (um 2,5 milljarðar króna). Það átti þó að gera með fyrirvörum um samkomulag milli hluthafa og eins áttu kröfuhafar að fella niður hluta af skuldum og lengja greiðslufresti.

Um þetta atburðarás fjallaði Túristi á sínum tíma og fékk þá þau svör frá Icelandair Group, eiganda Loftleiða, að ekki stæði til að setja meira fé í rekstur Cabo Verde Airlines.

Ráðamenn á Grænhöfðaeyjum virðast þó hafa reiknað með meira fjármagni frá Íslandi. Þeir gáfu nefnilega þær skýringar á þjóðnýtingunni í sumar að hún hefði verið nauðsynleg þar sem íslensku meirihlutaeigendurnir hafi ekki staðið við samning um að leggja flugfélaginu til 30 milljónir dollara, um fjóra milljarða króna.

Forsvarsmenn Loftleiða hafi hins vegar hafnað þeim málatilbúnaði samvkæmt frétt Ch-aviation. Og nú hafa Loftleiðir Cabo Verde stefnt ríkissjóði Grænhöfðaeyja fyrir Alþjóða gerðardóminn. Samkvæmt svörum frá Loftleiðum þá snýst ágreiningurinn um meintar vanefndir ríkisstjórnar Grænhöfðaeyja á samkomulagi um skuldauppgjör vegna einkavæðingunnar á sínum tíma. Málið snýst sem sagt ekki um þjóðnýtinguna sjálfa.

Þetta er þó ekki eina dómsmálið sem tengist uppgjöri Loftleiða við stjórnvöld á Grænhöfðaeyjum.

Fyrir dómstólum þar í landi deila nefnilega þessir fyrrum meðeigendum í Cabo Verde Airlines um afnotarétt á 31 árs gamalli Boeing 757 þotu. Sú bar heitið Eyjafjallajökull þegar hún var í flota Icelandair. Flugvélin er núna í eigu Loftleiða og hefur síðustu ár flutt farþega Cabo Verde Airlines á milli heimsálfa. Nú þegar búið er að þjóðnýta flugfélagið þá vilja stjórnendur Loftleiða fá þotuna tilbaka. Stjórnvöld á Grænhöfðaeyjum hafa hins vegar ekki fallist á það og nú er það dómstóla á eyjunum að segja til um hver fær lyklana að þotunni.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …