Samfélagsmiðlar

Sætanýtingin lækkaði í takt við minna Spánarflug

Þota Play við flugvöllinn í Amsterdam en þangað hóf félagið áætlunarflug í síðustu viku.

Eftirspurn eftir áætlunarflugi Play til Spánar hefur hingað til verið mun meiri en eftir ferðum félagsins til Parísar, London og Berlínar. Í nóvember var framboð á Spánarflugi á vegum Play hins vegar mun minna en mánuðina á undan. Sætanýtingin í nóvember lækkaði því um tíu prósentustig frá því í október og var 58 prósent. Þetta var engu að síður næstbesta sætanýtingin sem félagið hefur hingað til náð.

Farþegum fækkaði svo um nærri þriðjung frá því í október og voru tæplega 17 þúsund eins og sjá má á grafinu.

Þar sem flugið til spænskra áfangastaða hefur í raun dregið vagninn hjá Play þá var þessi niðursveifla fyrirséð líkt og Túristi ræddi við Birgi Jónsson, forstjóra Play, um miðjan nóvember.

Þar sagði Birgir að skýringin á minna framboði á Spánarferðum í mánuðinum væri sú að félagið hafi viljað hafa vaðið fyrir neðan sig.

„Mögulega hefðum við getað keyrt á Spán í nóvember, þó að sögulega sé það tæpt. Við vildum vera varkár og taka ekki áhættuna og skiljum mögulega eftir tekjur nú þegar eftirspurnin er góð en spörum líka kostnað. Þetta þarf að vera í jafnvægi,“ sagði Birgir.

Áætlunarflug Play hófst í lok júní og frá þeim tíma og fram í enda nóvember hefur félagið flutt rúmlega 83 þúsund farþega. Það stefnir því í að Play nái 100 þúsund farþega markinu fyrir áramót en sú sviðsmynd sem fjárfestum var kynnt í tengslum við hlutafjárútboð félagsins í sumarbyrjun gerði ráð fyrir 143 þúsund farþegum.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …