Samfélagsmiðlar

Ennþá hraðari bati

Þær spár sem Icelandair birti í tengslum við hlutafjárútboð sitt haustið 2020 gerðu ráð fyrir að afköstin á þessu ári yrðu rétt um 59 prósent af því sem var fyrir heimsfaraldur.

Sumaráætlun félagsins í dag eru þó mun metnaðarfyllri því þar er gert ráð fyrir að framboð á flugsætum verði 84 prósent af því sem var sumarið 2019 eins og fram kom í máli Boga Nils Bogasonar, forstjóra Icelandair, í fréttum Rúv í gærkvöld.

Spurður um nákvæmari upplýsingar um stöðuna þá segir Bogi, í svari til Túrista, að 84 prósent framboð eigi við um hásumarið. Í vor og haust er gert ráð fyrir að aukningin verði meiri. Forstjóri Icelandair ítrekar þó að allt sé breytingum háð í því ástandi sem nú ríkir.

Samkvæmt útreikningum Túrista má gera ráð fyrir að Icelandair standi undir rétt um sextíu prósent af öllu flugi til og frá Keflavíkurflugvelli í júlí á næsta ári. Til samanburðar var vægi félagsins um tveir þriðju sumarið 2019 en þá var Wow Air nýlega horfið af markaðnum.

Íslandsbanki spáði því í gær að ferðamenn hér á landi í ár yrðu ögn færri en þeir voru árið 2015 eða í mesta lagi 1,2 milljónir. Það stefnir hins vegar í að framboðið hjá Icelandair, langstærsta flugfélaginu á Keflavíkurflugvelli, verði um fjórðungi meiri í ár en það var fyrir sjö árum síðan. Á sama tíma hafa nokkur stór erlend flugfélög bætt verulega við Íslandsflug sitt frá árinu 2015 eins og Túristi fór yfir í gær.

En ef spá Íslandsbanka gengur eftir þá má þó ljóst vera að framboð á flugi, til og frá Keflavíkurflugvelli, er langtum meira en eftirspurnin gefur tilefni til.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …