Samfélagsmiðlar

Fleiri Íslendingar til Tenerife en fyrir heimsfaraldur

Frændþjóðirnar fjölmenna ekki að sama skapti til spænsku eyjunnar.

Við sundlaugarbakka á Tenerife

Fyrri hluta síðasta árs komu fáir ferðamenn hingað til lands og Íslendingar héldu sig að mestu heima. Rétt um 32 þúsund íslenskir farþegar flugu þá frá Keflavíkurflugvelli. Frá byrjun júlí og til áramóta fór aftur á móti 187 þúsund Íslendingar í gegnum vopnaleitina í Leifstöð samkvæmt talningu Ferðamálastofu.

Og stór hluti þeirra var á leið til Tenerife því seinni sex mánuði síðasta árs flugu nærri 49 þúsund farþegar milli Íslands og Tenerife. Til samanburðar voru farþegarnir tæplega 36 þúsund seinni hluta árs 2019. Þetta kemur fram í tölum frá spænskum flugmálayfirvöldum en samkvæmt því sem Túristi kemst næst eru það nær eingöngu Íslendingar sem nýta sér flugið milli Íslands og Tenerife. Fáir spænskir ferðamenn munu nýta sér tíðar Íslandsferðir frá eyjunni.

En þó hátt í fimmtíu þúsund farþegar hafi flogið milli Íslands og Tenerife á seinni hluta síðasta árs þá þýðir það ekki að einstaklingarnir hafi verið þetta margir. Spænsk flugmálayfirvöld telja nefnilega farþegana þegar þeir lenda þar í landi og líka þegar flogið er heim á ný. Hver farþegi er því í raun tvítalinn og þeir sem ferðast oftar en einu sinni eru taldir í hvert skipti. Ofannefndar tölur Ferðamálastofu byggja hins vegar eingöngu á brottförum.

Að teknu tilliti til þessarar tvítalningar þá lætur nærri að um áttundi hver Íslendingur sem flaug frá Keflavíkurflugvelli á seinni hluta síðasta árs hafi verið á leið til Tenerife.

Þetta er miklu hærra hlutfall en hjá frændþjóðunum. Í Svíþjóð búa til að mynda 10 milljónir manna en það flugu færri þaðan til Tenerife en frá Keflavíkurfugvelli. Aðeins 18 þúsund farþegar ferðuðust frá Noregi til Tenerife á seinni hluta síðasta árs.

Dönsku farþegarnir voru aftur á móti fleiri en þeir íslensku eða um 61 þúsund. Það fjórðungi meira en frá Íslandi en í Danmörku búa reyndar fimmtán sinnum fleiri en hér á landi.

Nýtt efni

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …

Í marsmánuði fór fjöldi erlendra ferðamanna í Japan í fyrsta skipti yfir 3 milljónir, samkvæmt tölum sem birtar voru í síðustu viku. Um 2,7 milljónir komu í febrúar. Auðvitað nýtur japönsk ferðaþjónusta nú uppsafnaðrar löngunar erlendra ferðamanna á að heimsækja loks Japan eftir langvarandi lokun og ferðahindranir í tengslum við Covid-19 en það er ekki …

Jón Atli Benediktsson rektor Háskóla Íslands var heiðraður á ársfundi Meet in Reykjavik í gær. Hann leiddi til sigurs umsókn Íslands um að fá ráðstefnuna „International Geoscience and Remote Sensing Symposium (IGARSS)“ til Reykjavíkur í júlí 2027. Gert er ráð fyrir að 2.500 erlendir vísindamenn og fagfólk á sviði fjarkönnunar frá öllum heimshornum sæki ráðstefnuna …

United Airlines tilkynntu í gær um betri afkomu en vænst var á öðrum ársfjórðungi. Þetta kemur í framhaldi af því að tapið á fyrsta fjórðungi var minna en óttast hafði verið. Megin ástæða þess að vel gengur er einfaldlega mikill áhugi á ferðalögum. Hlutabréf í United hækkuðu strax í fyrstu viðskiptum eftir að tilkynnt var …

Japanskir bílaframleiðandur hafa dregist aftur úr nýrri fyrirtækjum á borð við bandaríska Tesla og kínverska BYD í þróun rafbílasmíði. En menn velta því fyrir sér hvort japanskir framleiðendur á borð við Toyota og Nissan verði ekki fljótir að vinna upp það forskot - og jafnvel ná forystu - með þróun nýrrar gerðar rafhlaðna, sem vonir …

„Viltu nýjan bíl? Ef svarið er já, þá þurfum við að finna pening til að kaupa bílinn. Við getum aflað hans með sjávarútvegi en sú grein er takmörkuð og margir vilja setja skorður á fiskeldi. Til að auka framleiðslu á málmum þarf meiri raforku. Þá er það ferðaþjónustan sem er eftir og því þarf að …

Yfir veturinn eru Bretar fjölmennastir í hópi ferðamanna hér á landi en fyrstu þrjá mánuði þessa árs innrituðu 109 þúsund breskir farþegar sig í flug frá Keflavíkurflugvelli. Fjöldinn stóð í stað frá sama tíma í fyrra en hins vegar fjölgaði brottförum útlendinga um tíund þessa þrjá mánuði. Efnahagsástandið í Bretlandi kann að skýra að það …

Því var fagnað í gær að undirrituð hefði verið viljayfirlýsingu um að Íslandshótel og fjárfestar tengdir Skógarböðunum ætluðu að byggja og reka fjögurra stjörnu hótel við Skógarböðin í Eyjafirði gegnt Akureyri. Á væntanlegu baðhóteli verða 120 herbergi. Sjallinn - MYND: Facebook-síða Sjallans Íslandshótel hafa líka haft áform um að reisa hótel í miðbæ Akureyrar, þar …