Samfélagsmiðlar

Skatturinn ekki á sömu síðu og stjórnendur Airport Direct

Rútur Airport Direct og Flugrútunnar við Leifsstöð.

Tekjur Airport Direct af rútuferðum milli Keflavíkurflugvallar og Reykjavíkur námu 2,4 milljörðum króna á árunum 2018 til 2020. En öfugt við keppinauta sína þá hefur Airport Direct, sem er í eigu Hópbíla, ekki innheimt ellefu prósent virðisaukaskatt af farmiðasölunni.

Skýringin er sú að forsvarsmenn fyrirtækisins hafa litið á ferðirnar sem almenningssamgöngur og þar með undanþegnar virðisaukaskatti samkvæmt því sem fram kom í frétt Vísis fyrir tveimur árum síðan.

Sem fyrr segir er ellefu prósent virðisaukaskattur hluti af farmiðaverði keppinauta Airport Direct, þ.e. Flugrútunnar sem Kynnisferðir reka og Airport Express sem er á vegum Gray Line. Forsvarsmenn þess síðarnefnda óskuðu eftir umsögn Skattsins í hittifyrra á því hvort sætaferðir frá Keflavíkurflugvelli væru undanþegnar virðisaukaskatti eða ekki.

Spurður um stöðu málsins í dag þá segir Snorri Olsen, ríkisskattstjóri, að eftir skoðun á málinu þá sé það niðurstaða Skattsins að ferðirnar sem um ræðir flokkist ekki sem almenningssamgöngur. Ríkisskattstjóri segist þó ekki geta gefið upplýsingar um hver næstu skref eru í málinu.

Isavia fær þriðjung

Airport Direct hóf áætlunarakstur milli Keflavíkurflugvallar og Reykjavíkur í mars árið 2018 eftir útboð Isavia á bílastæðunum næst Leifsstöð. Fyrstu þrjú árin námu tekjurnar af þessum akstri um 2,4 milljörðum króna samkvæmt ársreikningum félagsins. Tekjurnar voru mun lægri árið 2020 enda setti heimsfaraldurinn öll ferðalög úr skorðum í mars það ár. Gera má ráð fyrir að nýliðið ár hafi einnig litast verulega af ástandinu.

Hvernig sem árar er Airport Direct þó skuldbundið til að greiða Isavia þriðjung af tekjum sínum af akstri frá Leifsstöð til höfuðborgarinnar og að lágmarki 165 milljónir króna á ári. Þetta er í takt við niðurstöður útboðs sem Isavia efndi til árið 2017.

Kynnisferðir, sem reka Flugrútuna, greiða ennþá hærra hlutfall af sínum tekjum eða 41,2 prósent.

Gray Line nýtir aftur á móti svokölluð fjarstæði fyrir sínar ferðir og borgar bílastæðagjöld fyrir þá notkun. Deilt hefur verið um þau gjöld eins og Túristi hefur áður fjallað um.

Túristi hefur árangurslaust leitað viðbragða frá stjórnendum Airport Direct á þeirri niðurstöðu Skattsins að ferðir fyrirtækisins teljist ekki almenningssamgöngur. Ekki kemur fram í bókunarvél félagsins hvort félagið sé byrjað að innheimta virðisaukaskatt af farmiðasölunni.

Nýtt efni

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …