Samfélagsmiðlar

Þjóðverjar fjölmenna sem aldrei fyrr á hótel á Suðurlandi

Vægi Þjóðverja hefur aukist umtalsvert á hótelum á Suðurlandi,.

Síðustu mánuði hefur ferðamönnum frá Þýskalandi fjölgað hér á landi miðað við það sem var á sama tíma fyrir heimsfaraldur. Þessi þróun er þvert á það sem á við um komur túrista almennt.

Það sem er líka áhugavert við ferðalög Þjóðverja hingað til lands er að nú sækjast þeir í mun meira mæli í gistingu á Suðurlandi en áður. Og í raun hafa þýskir gestir aldrei fyrr verið margir á hótelum í þessum landshluta á haustin.

Á nýliðnu áru voru gistinætur Þjóðverja á sunnlenskum hótelum hátt í 21 þúsund talsins frá september til nóvember sem er fimmtungs aukning frá sama tíma árið 2019. Og þegar horft er til áranna 2015 til 2018 þá er viðbót ennþá meiri eins og sjá má hér fyrir neðan.

Það er Hagstofan sem heldur utan um söfnun og útgáfu á gistináttatölum og samkvæmt svari þaðan þá hafa Þjóðverjar ekki haldið sig sérstaklega á einum stað eða hóteli á Suðurlandi síðustu mánuði.

Í svari Hagstofunnar segir að rúmlega fjórðungur af hótelgistingum Þjóðverjar í þessum landshluta hafi verið á þremur hótelum en ekkert þeirra er í sama sveitarfélagi. Hinar gistinæturnar dreifast svo vel á milli annarra hótela.

Þessi aukna ásókn Þjóðverja á gistingu á Suðurlandi á haustin gerir það að verkum að vægi þeirra hefur aukist umtalsvert á sunnlenskum hótelum. Í september til nóvember árið 2019 stóðu Þjóðverjar þannig undir rétt um átta prósent af hótelgistingum útlendinga á Suðurlandi en núna var hlutfallið 14 prósent.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …