Samfélagsmiðlar

Til þessara fimm borga voru ferðirnar flestar

london David Dibert

Fimm flugfélög halda núna úti ferðum frá Keflavíkurflugvelli til Lundúna.

London var sú borg sem þoturnar tóku oftast stefnuna á eftir flugtak frá Keflavíkurflugvelli í desember. Ferðirnar þangað voru þó miklu færri en í desember 2019.

Þá var flogið héðan 233 sinnum til flugvallanna í nágrenni við bresku höfuðborgina. Að þessu sinni voru ferðirnar 163 talsins. Samdrátturinn nemur þrjátíu prósentum þrátt fyrir að fimm flugfélög haldi úti áætlunarferðum milli Lundúna og Íslands nú í vetur.

Kaupmannahöfn var sú borg sem næstoftast var flogið til í síðasta mánuði eða samtals 96 sinnum. Það er fækkun um 42 ferðir í samanburði við síðasta mánuð ársins 2019. Þotur Icelandair, Play og SAS haldi úti fluginu milli Keflavíkurflugvallar og Kastrup.

París er í þriðja sæti en þotur Icelandair, Play og Transavia flugu þangað 58 sinnum í desember. Það er viðbót um átta ferðir frá desember 2019 en eftir að Wow Air féll í mars það ár þá fækkaði ferðunum til frönsku höfuðborgarinnar umtalsvert.

Manchester er svo í fjórða sæti en farþegar á Keflavíkurflugvelli gátu valið úr 55 brottförum þangað með Easyjet, Icelandair og Jet2. Í desember 2019 voru ferðirnar fleiri eða 77 talsins.

New York er fimmta borgin á listanum því þangað flugu þotur Icelandair 46 sinnum í desember sem er fækkun um tíu ferðir frá síðasta mánuði ársins 2019.

Nýtt efni

Fyrstu fimm mánuði ársins hefur verð á flugmiðum frá Íslandi til útlanda verið ódýrara en á sama tímabili í fyrra. Í maí lækkaði verðið um 5,7 prósent samkvæmt nýjum mælingum Hagstofunnar en til samanburðar hækkaði verðlag almennt um 6,2 prósent á milli ára. Verðmælingar Hagstofunnar ná til fleiri flugfélaga en þeirra íslensku en þau standa …

Þess hefur verið beðið að Framkvæmdastjórn Evrópusambandsins tilkynnti um refsitolla á innflutning kínverskra rafbíla. Kínversk stjórnvöld hafa verið sökuð um óeðlilega mikinn ríkisstuðning við innlenda framleiðendur og var þetta meðal umræðuefna í Evrópuferð forseta Kína nýverið. Ný tollheimta myndi þýða milljarða evra aukalegar álögur á kínverska rafbílaframleiðendur.  Xi-Jingping, forseti Kína - MYND: Britta Pedersen/dpa-Zentralbild/dpa/Alamy Nú …

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …