Samfélagsmiðlar

Verða að fljúga oftar til að halda í lendingarleyfin

Ef Icelandair dregur á lánalínu ríkisins þá stendur til að félagið leggi lendingarleyfi sín á Heathrow flugvelli sem veð.

Á morgun er bara ein brottför til Bretlands á áætlun Icelandair en á sama degi árið 2019 flugu þotur félagsins sex ferðir til breskra flugvalla. Þar af voru tvær til Heathrow flugvallar í London en fyrir heimsfaraldur voru afgreiðslutímar félagsins þar margra milljarða króna virði.

Skýringin á þeim verðmiða lá í þeirri staðreynd að færri flugfélög en vildu komust að á þessum fjölfarnasta flugvelli Evrópu.

Almenna reglan í fluggeiranum er sú að flugfélög verða að nýta lendingarleyfin sín í að minnsta kosti 80 prósent tilvika. Ef nýtingin verður verri en það þá er leyfunum úthlutað til annarra flugfélaga. Vegna óvenjulegra aðstæðna í yfirstandandi heimsfaraldri þá hefur þessi krafa um háa nýtingu verið felld niður.

Icelandair hefur því getað dregið úr ferðunum til Heathrow og Manchester og lagt niður allt flug til Glasgow og Gatwick í London. Félagið fær svo gömlu lendingarleyfin aftur þegar eftirspurnin eykst og ferðunum verður fjölgað á ný.

Nú boða bresk flugmálayfirvöld aftur á móti strangari kröfur því ætlast verður til að flugfélög nýti „slottin“ sín í að lágmarki sjö af hverjum tíu skiptum á komandi sumarvertíð. Sú hefst formlega í lok mars og stendur yfir fram í lok október.

Spurð hvort þetta þýði að Icelandair verði að fjölga ferðunum til Bretlands strax nú í lok vetrar þá segir Ásdís Pétursdóttir, upplýsingafulltrúi Icelandair, að þessar boðuðu breytingar séu í skoðun. Hún bætir því við að endanleg áhrif þeirra á flugáætlun félagsins og einstakar flugleiðir liggi ekki fyrir.

Ef krafan í Bretlandi verður sú að lendingarleyfi verði nýtt í sjötíu prósent tilvika þá má gera ráð fyrir að Icelandair þyrfti að fljúga þotum sínum til Bretlands að jafnaði nærri fjórum sinnum á dag. Ef ferðirnar verða færri þá gæti félagið misst lendingarleyfi.

Í því samhengi má rifja upp að Icelandair hyggst leggja leyfin sín á Heathrow fram sem veð ef félagið þarf að nýta sér ríkislánið sem Alþingi samþykkti að veita í ágúst árið 2020. Lánavilyrðið rennur út nú í haust en ennþá hafa stjórnendur Icelandair ekki afsalað sér því. Lánálínan svokallaða er upp á 120 milljónir dollara eða um 15,6 milljarða króna á gengi dagsins í dag.

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …