Samfélagsmiðlar

„Ekki nóg að breyta góðum hugmyndum í hlutafé“

Það er stórt verkefni sem bíður ferðaþjónustunnar þegar sumarvertíðin er að baki. Það eru þó fleiri sem verða að koma að lausn mála eins og fram kom í máli ráðherra ferðamála og ferðamálastjóra í gær.

Ferðamenn þurfa að verða fleiri en spáð er svo ferðaþjónustan geti ráðið við skuldasöfnun síðustu missera. Þetta kemur fram í nýrri skýrslu Ferðamálastofu og KPMG

Fjárhagsleg endurskipulagning ferðaþjónustunnar bíður haustsins og þar eru bankarnir líklegir til að leiða vinnuna enda stærstu lánadrottnar greinarinnar.

Þetta ein af niðurstöðum greiningar Ferðamálastofu og KPMG sem kom út í gær og kynnt var á opnum fundi.

Þar benti Skarphéðinn Berg Steinarsson, ferðamálastjóri, á að það væru ekki eingöngu bankar og hið opinbera sem ættu að koma að fjárhagslegri endurskipulagningu atvinnugreinarinnar. Eigendur ferðaþjónustufyrirtækja þyrftu að leggja fyrirtækjunum til nýtt eigið fé og það í formi nýs fjármagns sem greitt yrði inn í fyrirtækin. Það væri ekki nóg að breyta góðum hugmyndum í hlutafé eins og ferðamálastjóri komst að orði.

Skarphéðinn varaði jafnframt við því að markaðurinn sjálfur myndi leysa úr vandanum með þeim úrræðum sem hann hefur. Það gæti kallað fram ýmsar óheppilegar hliðarverkanir og afleiðingar ef miklar eignatilfærslur og samþjöppun verða í atvinnugreininni, til að mynda á landsbyggðinni.

Lilja Dögg Alfreðsdóttir, nýr ráðherra ferðamála, tók þátt í fundinum í gær og sagði það sína skoðun að endurskipulagning ferðaþjónustunnar væri samstarfsverkefni. Talaði ráðherra um „Fair burden Sharing“ í því samhengi en afsakaði enskuslettuna.

Of fáir ferðamenn í ár

Í greiningu Ferðamálastofu og KPMG er að finna spá um fjölda ferðamanna í ár og er hún ögn bjartari en sú sem Íslandsbanki birti í síðustu viku. Þar var spáð í mesta lagi 1,2 milljónum ferðamanna í ár en Ferðamálastofa gerir ráð fyrir alla vega 100 þúsund túristum til viðbótar.

Sá fjöldi er þó ekki nægjanlegur til að ferðaþjónustan komist á almennilegt ról. Til þess þarf í raun tvær milljónir ferðamanna eins og bent er á í skýrslunni. Ekki bætir úr skák að yfirvofandi eru launahækkanir, styrking krónunnar og verðbólga fer hækkandi.

Af þeim sökum mun ferðaþjónustunni almennt ganga illa að ráða við þá skuldasöfnun sem átt hefur sér stað í heimsfaraldrinum að mati sérfræðinga Ferðamálastofu og KPMG. Þeir benda þó á að staðan sé misjöfn eftir undirgreinum og fyrirtækjum. Bílaleigur komi til að mynda einna best út úr faraldrinum á meðan veitingastaðir, sem helst reiða sig á erlenda ferðamenn, og hópferðafyrirtæki koma verr út.

Nýtt efni

„Aðkoma mín að ferðaþjónustunni hefur verið á ýmsum sviðum og ég hef fengið að starfa í greininni í meira en þrjá áratugi, þar af meira en aldarfjórðung í eigin rekstri. Á þessum árum hefur greinin okkar vaxið úr því að vera næstum því tómstundagaman fyrir áhugasama í það að vera stærsta útflutningsgrein þjóðarinnar með öllum …

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …