Samfélagsmiðlar

Færri bóka ódýrustu farmiðana

„Höfundur hliðarteknanna" tók sæti í stjórn Icelandair fyrir tveimur árum síðan og nú þurfa farþegar félagsins að borga aukalega fyrir meira en áður.

Farþegar með Economy Light miða, á leið til Orlandó með Icelandair um næstu jól, þurfa að borga að lágmarki 2.800 krónur fyrir að taka frá sæti um borð.

Svokölluð Economy Light fargjöld komu til sögunnar hjá Icelandair haustið 2017 og þar með fengu ekki lengur allir farþega að innrita farangur án aukagreiðslu. Hálfu ári síðar hóf Icelandair svo að rukka fólk fyrir að taka frá sæti með meira fótarými, til dæmis við neyðarútganga.

Félagið hefur fært sig enn frekar upp á skaftið því í dag mega þeir sem eru með Economy Light miða ekki taka frá eitt einasta sæti um borð nema borga sérstaklega fyrir. Og þeir sem vilja vera öryggir með að fá sæti við hliðina á ferðafélögunum komast ekki hjá þessu gjaldi. Icelandair tryggir nefnilega ekki að þeir sem eru bókaðir á sama flugmiða fái að sitja hlið við hlið í ferðalaginu.

Þrátt fyrir þessar hertu reglur þá hefur vægi þessara svokölluðu hliðartekna dregist saman hjá Icelandair. Þannig hækkuðu hefðbundin fargjöld á hvern farþega um tæplega fimmtung á milli fjórða ársfjórðungs 2021 og 2018 en fyrrnefndar hliðartekjur lækkuðu aftur á móti um nærri tíund í dollurum talið á milli þessara tímabila.

Spurð um ástæður þessa þá segir í svari frá Icelandair að skýringin liggi fyrst og fremst í sölu á Economy Standard farmiðum. Þeir sem bóka þau fargjöld fá nefnilega að innrita töskur og velja sér sæti án þess að borga. Minni sala á varningi um borð í vélum Icelandair nú í heimsfaraldrinum hefur líka sitt að segja en tekjur af þeim hluta rekstursins eru flokkaðar sem hliðartekjur.

Sú staðreynd að tekjur Icelandair af aukaþjónustu fara lækkandi en meðal annars áhugaverð fyrir þær sakir að í stjórn flugfélagsins situ Ástralinn John Thomas. Sá telur sér það til tekna að vera maðurinn sem innleiddi aukagjöldin í bandaríska fluggeiranum árið 2007 sem hafi í raun bjargað fluggeiranum vestanhafs.

Þetta tilgreinir Thomas sérstaklega í ferilskrá sinni og eins fór hann yfir málið í viðtali við ástralska blaðið Sidney Morning Herald árið 2017. Þá var hann framkvæmdastjóri flugfélagins Virgin Australia en var reyndar látinn fara þaðan stuttu síðar eftir tæpt ár í starfi.

Þess má geta að lágfargjaldaflugfélög voru víða farin að rukka fyrir innritaðan farangur og sæti áður en stóru flugfélögin vestanhafs tóku upp á því fyrir fimmtán árum síðan að frumkvæði stjórnarmannsins.

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …