Samfélagsmiðlar

Icelandair komst hálfa leið en samt mun lengra en hin félögin

Fjögur stærstu flugfélög Norðurlanda fóru öll í gegnum fjárhagslega endurskipulagninu vegna neikvæðra áhrifa heimsfaraldursins á reksturinn.

Og segja má að í herbúðum Norwegian hafi tiltektin verið stórtækust því félagið losaði sig við allar breiðþoturnar og lagði niður áætlunarflug til Norður-Ameríku. Farþegahópur Norwegian í dag eru því rétt um þriðjungur af því sem var í ársbyrjun 2020 þegar Covid-19 var handan við hornið. Núna snýst rekstur þessa norska lággjaldaflugfélags um áætlunarflug innan Skandinavíu og ferðir þaðan til annarra Evrópuríkja.

Í nýliðnum janúar nýttu nærri sjö hundrað þúsund farþegar sér þessar ferðir Norwegian sem er litlu fámennari hópur en sat í þotum SAS í mánuðinum. Sætanýtingin hjá Norwegian var líka mun betri því þar seldust sjö af hverjum tíu sætum á meðan SAS flaug sínar ferðir með hálfsetnar þotur.

Hjá Icelandair var sætanýtingin hlutfallslega mitt á milli þess sem skandinavísku keppinautarnir náðu í janúar eða um 60 prósent. Icelandair er aftur á móti það norræna flugfélag sem er komið lengst í því að ná fyrri styrki, alla vega þegar horft er til fjölda farþega. Í janúar árið 2020 flugu 227 þúsund farþegar með íslenska félaginu til og frá Keflavíkurflugvelli og Reykjavíkurflugvelli en í janúar í ár var hópurinn helmingi fámennari.

Norwegian rekur lestina í þessum samanburði því þar er farþegahópurinn búinn að skreppa mikið saman sem fyrr segir. SAS og Finnair eiga líka langt í land eins og sjá má hér fyrir neðan.

Nýtt efni

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …