Samfélagsmiðlar

Ítreka fyrri yfirlýsingu um kolefnislausan Keflavíkurflugvöll

Isavia hefur undirritað Toulouse yfirlýsinguna um sjálfbærni og kolefnisleysi í flugtengdum rekstri. Nærri 100 flugvallarrekendur, samtök þeirra,  og fulltrúar um 200 flugvalla undirrituðu yfirlýsinguna.

„Yfirlýsingin er unnin á vettvangi Evrópusambandsins með aðkomu hagaðila á borð við Evrópudeild Alþjóðasamtaka flugvalla (ACI Europe – Airports Council International). Hún markar kaflaskil á þeirri vegferð flugvallarekenda í álfunni um að stefna að kolefnishlutleysi í flugvallarekstri fyrir árið 2050, segir í tilkynningu.

Þar kemur jafnframt fram að í yfirlýsingunni taki ríkisstjórnir Evrópusambandsríkja, framkvæmdastjórn ESB og hagaðilar í fyrsta sinn höndum saman um að ná fram kolefnishlutleysi í flugiðnaði. Yfirlýsingin er sögð ryðja brautina fyrir samninga Evrópusambandsins um kolefnishlutleysi í flugiðnaði og heimsmarkmið þess í alþjóðaflugi á vettvangi Alþjóðaflugmálastofnunarinnar (ICAO).

„Þessi yfirlýsing er mikilvægt næsta skref í átt að kolefnislausri framtíð í flugvallarekstri,“ segir Hrönn Ingólfsdóttir, forstöðumaður stefnumótunar og sjálfbærni hjá Isavia. „Við höfum þó sett okkur það markmið að starfsemi Keflavíkurflugvallar verði orðin kolefnislaus árið 2030. Þar með erum við í hópi með þeim flugvöllum innan ACI Europe sem hafa sett sér það yfirlýsta markmið að ná þangað tuttugu árum á undan áætlun alþjóðasamtakanna.”

„Stjórn Isavia samþykkti í fyrra sjálfbærnistefnu fyrir félagið sem taki á loftslagsmálum, auðlindanýtingu, lífsgæðum og virðissköpun,” segir Hrönn. „Sett hafa verið skýr markmið, ákveðnir mælikvarðar og lögð fram fimm ára aðgerðaráætlun. Haldið er ítarlegt og skýrt stefnubókhald um aðgerðirnar til að tryggja framkvæmd þeirra. Þá fengum við hjá Isavia ISO 14001 umhverfisvottun í lok síðasta árs. Sú vottun styður við sjálbærnistefnuna og aðgerðaráætlunina og sýnir að þær eru ekki bara orðin tóm.”

„Hver og einn flugvöllur sem skrifar undir þessa yfirlýsingu setur mark sitt á framtíð okkar sem atvinnugreinar, sem hagkerfis og sem samfélags,“ segir Olivier Jankovec, framkvæmdastjóri ACI Europe. „Þeir staðfesta metnað sinn, framtíðarsýn og yfirburði sem sjálfbærum aðgerðum.“

Nýtt efni

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …

Flugstöðin í Changi í Singapúr er ekki lengur í efsta sæti á árlegum lista Skytrax yfir bestu flugvellina heldur í öðru sæti. Hamad alþjóðaflugvöllurinn í Doha í Katar toppar nú listann sem birtur var í gær en hann byggir á einkunnagjöf farþega. Í þriðja sæti er Incheon í Seoul en í næstu tveimur sætum eru …

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …