Samfélagsmiðlar

Komast þá hingað fyrir aðalvertíðina

Ferðamenn frá Eyjaálfu skipuleggja vanalega Íslandsferðir með löngum fyrirvara. Nú er spurning hvort nýfengið ferðafrelsi fái Ástralía til að stökkva til Íslands með stuttum fyrirvara.

Þrátt fyrir fjarlægðina þá keyptu Ástralir fleiri gistinætur á íslenskum gististöðum árið 2019 en Finnar og Írar samanlagt.

Gistinætur Ástralanna voru 103 þúsund sem jafngildir því að rúmlega einn af hverjum eitt hundrað útlendingum sem hér gisti það ár hafi verið með ástralskt vegabréf.

Nú í heimsfaraldrinum hafa landamæri Ástralíu hins vegar verið lokuð en eftir tvær vikur opna þau á ný fyrir þá sem eru fullbólusettir fyrir Covid-19. Þetta tilkynnti Scott Morrison, forsætisráðherra Ástralíu, fyrr í dag.

Þar með geta bólusettir Ástralir farið að skipuleggja Íslandsferðir á ný en sumarið hefur verið sá tími sem fjöldi ástralskra túrista hér á landi nær hámarki eins og sjá má á línuritinu hér fyrir neðan. Og það eru hótel á höuðborgarsvæðinu sem munu væntanlega njóta þess mest að fá Ástrali í heimsókn á ný því helmingur gistinátta þeirra á Íslandi hefur verið í Reykjavík og nágrenni.

Kannanir Ferðamálastofu hafa hins vegar sýnt að Ástralir skipuleggja Íslandsferðir með lengri fyrirvara en aðrar þjóðir og gæti það skrifast á fjarlægðina og þar með kostnaðinn við að koma sér hingað til lands. Hvort aldur spili þar inní skal ósagt látið en könnun Ferðamálastofu sýnir einnig að ferðamanna hér á landi frá Ástralíu og Nýja-Sjálandi eru eldri en gengur og gerist.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …