Samfélagsmiðlar

Næstum því nýtt fyrir Icelandair að fá samkeppni í sólarflugi vestur um haf

Tómu sætunum í þotum Icelandair fjölgaði þegar félagið atti kappi við Wow Air á sínum tíma í flugi til Orlandó.

orlando skilti 860

Nú í haust verða 38 ár liðin frá því að Icelandair fór jómfrúarferð sína til Orlandó í Flórída og nærri allan þennan tíma hefur félagið setið eitt að ferðunum þangað frá Keflavíkurflugvelli. Iceland Express spretti sig reyndar á áætlunarflugi til Orlandó veturinn 2010 til 2011 en Wow Air náði aðeins að halda úti flugi þangað í tvo mánuði áður en félagið fór í þrot.

Frá og með október næstkomandi bíður Icelandair hins vegar samkeppni við Play sem ætlar að fljúga nýrri Airbus A321LR þotu til Orlandó þrisvar í viku næsta vetur. Til samanburðar gerir Icelandair ráð fyrir fimm ferðum í viku.

„Ég er sannfærður um að innkoma okkar í Orlando muni hrista verulega upp í Flórída-markaðnum. Við höfum skoðað það verð sem samkeppnisaðilar okkar hafa boðið upp á til og frá svæðinu og teljum okkur auðveldlega geta boðið mun lægra verð á þessari vinsælu flugleið, bæði þeim fjölmörgu Íslendingum sem leggja leið sína til Flórída og tengifarþegum milli Flórída og Evrópu,“ skrifar Birgir Jónsson, forstjóri Play, í tilkynningu.

Sem fyrr segir náði Wow Air bara að fljúga til Orlandó í tvo mánuði, þ.e. desember 2018 og janúar 2019. Á þessu tímabili nýttu 2.308 farþegar sér ferðir félagsins en Icelandair flaug með rúmlega fimm sinnum fleiri. Aftur á móti fjölgaði óseldu sætunum í þotum Icelandair þann tíma sem félagið þurfti að keppa við Wow Air um farþega á leið til og frá Orlandó samkvæmt útreikningum Túrista sem byggja á farþegatölum frá Bandaríkjunum.

Nú er að sjá hvort áhrifin verði þau sömu þegar Play kemur inn á markaðinn.

Nýtt efni

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …