Samfélagsmiðlar

Of snemmt að segja til um hvernig sumarið þróast

Innan Lufthansa Group eru nokkur flugfélög og fjögur þeirra fljúga til Íslands.

Flugfélög á vegum Lufthansa samsteypunnar stefna á flug til Íslands frá sex evrópskum borgum í ár. Sölustjóri félagsins segir Íslendinga nýta sér tengiflug félagsins til Asíu og Afríku.

„Þegar dregið var úr ferðatakmörkunum í byrjun síðasta árs þá gátum við bætt við ferðum milli Keflavíkurflugvallar og Frankfurt og tekið upp þráðinn í Íslandsflugi frá Munchen síðasta sumar. Auk þess hóf Edelweiss að fljúga milli Keflavíkurflugvallar og Zurich,“ útskýrir Frank Wagner, framkvæmdastjóri sölusviðs Lufthansa í Bretlandi, Írlandi og Íslandi, þegar Túristi spyr hann um umsvif þessarar stærstu flugfélagasamsteypu Evrópu hér á landi.

Wagner bendir jafnframt á að í heimsfaraldrinum hafi Lufthansa verið eitt fárra flugfélaga sem bauð upp á ferðir milli Íslands og Þýskalands og sérstaklega þá sem þurftu á tengiflugi að halda.

„Bókanir fyrir sumarið 2022 eru að koma inn en það er of snemmt að spá fyrir um hvernig þetta fer. En við ætlum að bjóða upp á umsvifamikla flugáætlun fyrir Ísland næsta sumar. Lufthansa verður með fimm ferðir í viku frá Frankfurt og tvisvar í viku frá Munchen. Edelweiss snýr aftur með þrjár brottfarir í viku og Austrian býður upp á fjórar ferðir í viku milli Keflavíkurflugvallar og Vínarborgar. Þessu til viðbótar mun Eurowings halda úti flugi til Íslands frá bæði Dusseldorf og Hamborg,“ segir Wagner.

Spurður um íslenska farþega í þotum Lufthansa þá svarar þýski sölustjórinn því til að viðskiptin í ár snúist helst um hópaferðir og fólk á leið í frí sem bóki flugferðir sjálft á netinu. Og núna er það tengiflug til Bangkok, Maurítius og Windhoek í Namibíu sem Íslendingar bóka helst þegar þeir fljúga með Lufthansa til Frankfurt.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …