Samfélagsmiðlar

Sala á utanlandsferðum jókst um nærri milljarð króna

Albufeira í Portúgal er einn þeirra staða sem hægt verður að fljúga beint til frá Keflavíkurflugvelli í sumar.

Nú þegar slakað hefur verið á sóttvarnaraðgerðum víða í Evrópu þá hefur sala á ferðalögum tekið kipp. Sérstaklega horfa margir til sólarlanda og fá sæti eru laus í páskaferðir suður á bóginn eins og staðan er í dag. Fólk er líka farið að bóka lengra fram í tímann.

Þessi aukna eftirspurn endurspeglast í nýjum tölum Rannsóknarseturs verslunarinnar því í janúar. Þær sýna að innlend kortaviðskipti við íslenskar ferðaskrifstofur námu nærri 1,2 milljörðum króna í síðasta mánuði. Það er rúmlega sexföld meiri velta en í janúar í fyrra.

Ef horft er til janúar 2020 þá er ennþá nokkuð í að eftirspurnin nái sömu hæðum og fyrir heimsfaraldur. Veltan var þó álíka í nýliðnum janúar og hún var á sama tíma árið 2018 en tölur Rannsóknarseturs verslunarinnar ná ekki lengra aftur tímann en það.

Þess ber að geta að kaup Íslendinga á farmiðum hjá íslensku alþjóðaflugfélögunum eru ekki hluti af þessum tölum því þau notast við erlenda færsluhirða. Það gerði Wow Air líka á sínum tíma.

Icelandair og Play eru bæði stórtæk í sölu á flugmiðum til áfangastaða í Suður-Evrópu og stór hluti þeirra sem flogið hefur héðan til Tenerife síðustu mánuði hefur setið um borð í þotum flugfélaganna tveggja. Icelandair hefur líka tekið yfir leiguflug systurfélagsins Vita og flugáætlun Play gerir ráð fyrir áætlunarferðum til sjö spænskra flugvalla í ár.

Hjá ferðaskrifstofunum sjálfum er úrval áfangastaða meira en verið hefur í töluverðan tíma og núna einskorðast það ekki við Spán eins og oft áður. Hjá Heimsferðum og Úrval-Útsýn eru til að mynda á boðstólum ferðir til Albufeira í Portúgal en nokkuð er liðið síðan þangað var flogið síðast frá Keflavíkurflugvelli.

Nýtt efni

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …