Samfélagsmiðlar

Verða að bíða með að hefja sölu á sumarflugi til Amsterdam

Það er ekki víst að Play geti veitt Icelandair og Transavia í samkeppni í flugi héðan til höfuðborgar Hollands í sumar.

Þota Play fékk sérstakar móttökur í Amsterdam í tilefni af fyrstu ferð félagsins þangað í byrjun desember sl.

Ein arðbærasta flugleiðin hjá Icelandair er Keflavík-Schiphol og í eðlilegu árferði fljúga þotur félagsins tvisvar á dag til hollensku höfuðborgarinnar. Þar var útgerð Wow Air líka mikil og nýtti félagið á tímabili breiðþotur í ferðirnar til Amsterdam líkt og Icelandair hefur líka gert.

Skýringin á því liggur að hluta til í mikilli eftirspurn eftir vöruflutningum milli Íslands og Hollands en á því sviði hefur Play ennþá ekki haslað sér völl.

Play hóf engu að síður áætlunarflug til Amsterdam í byrjun desember sl. en hlé var gert á ferðunum þann 17. janúar sl. Á morgun föstudag er ætlunin að taka upp þráðinn á ný og fljúga tvisvar í viku. Það er aftur á móti ekki hægt að bóka flug með Play til hollensku borgarinnar frá og með lokum mars en þá hefst formlega sumaráætlun fluggeirans.

Spurð um ástæður þessa þá segir Nadine Guðrún Yaghi, samskiptastjóri Play, að beðið sé eftir svörum frá hollenska flugvellinum varðandi afgreiðslutíma nú í sumar. Ef Play fær ekki pláss á Schiphol þá mun félagið fjölga ferðunum til annarra áfangastaða í Evrópu í stað þess að leita fyrir sér annars staðar í Hollandi að sögn Nadine.

Auk Icelandair og Play þá býður hollenska lággjaldaflugfélagið Transavia upp á reglulegar ferðir milli Íslands og Amsterdam. Félagið hóf eimitt flug á þessari leið stuttu eftir fall Wow Air.

Nýtt efni

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …

Við þeim sem fara um Ráðhústorg í Kaupmannahöfn þessa dagana blasir við risastór auglýsing frá Icelandair. Velunnari FF7 var þar á ferð í vikunni og sendi meðfylgjandi mynd. Auglýsingin er á húsi númer fjögur við Ráðhústorg og fyrir hornið á vegg sem snýr að H.C. Andersen Boulevard, sem er mikil umferðaræð í gegnum miðborgina. Unnið …

Tæknirisinn Apple hefur síðastliðinn áratug unnið að þróun rafknúinna og sjálfstýrðra ökutækja sem þó aldrei hafa verið formlega kynnt. Og það verður varla úr þessu því nú hefur þessari þróunarvinnu verið hætt samkvæmt frétt Bloomberg. Þriðjungurinn af þeim mörg hundruð manns sem unnið hafa að bílaverkefninu verða færð yfir á svið gervigreindar hjá Apple en …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Ennþá er Change Group þó ekki komin með tilskilin leyfi til að sinna gjaldeyrisviðskiptum hér á landi samkvæmt því sem FF7 kemst næst og …

Hún er svo vinsæl, bandaríski rithöfundurinn Sarah J. Maas, að þegar þriðja bindið í Crescent City-bókaflokknum kom út þann 30. janúar síðastliðinn stóðu aðdáendur hennar í löngum röðum í vetrarkuldanum fyrir framan bókabúðirnar sem höfðu ákveðið að opna búðir sínar á miðnætti á útgáfudeginum í New York og víðar um Bandaríkin. Þessar raðir fyrir framan …

Matvælastofnun Sameinuðu þjóðanna hefur áætlað að af öllum mat sem framleiddur er í heiminum fari um þriðingur í ruslið, eða 1,3 milljarðar tonna á ári. Umhverfisstofnun Sameinuðu þjóðanna hefur áætlað að á heimsvísu fari um 17 prósent af öllum mat í matvöruverslunum, á veitingastöðum og á heimilum í ruslið. Það er gríðarlegt magn af prýðisgóðri næringu sem þar fer …