Samfélagsmiðlar

Bíða aðeins lengur með að byrja Íslandsflugið frá Chicago

Bandaríska flugfélagið United Airlines hóf að fljúga til Íslands frá New York sumarið 2018. Í fyrra bættist við daglegt flug yfir sumarið frá Chicago.

Þegar stjórnendur bandaríska flugfélagsins United Airlines kynntu sumaráætlun sína fyrir árið 2022 þá voru þeir sannfærðir um að eftirspurn eftir ferðum félagsins til Evrópu yrði það mikil þörf væri á fleiri nýjum áfangastöðum hinum megin við Atlantshafið.

Félagið ætlar til að mynda að spreyta sig á flugi til Tenerife, Bergen, Azoreyja og Mallorca í sumar. Auk þess er gert ráð fyrir því að taka upp þráðinn í daglegu flugi hingað til lands frá bæði New York og Chicago.

Upphaflega stóð til að Íslandsflugið frá borgunum tveimur myndi byrja í maí en nú eru engin flug að finna hingað til lands frá Chicago fyrr en í lok júní. Í svari við fyrirspurn Túrista staðfestir talsmaður United Airlines að fyrsta brottför á þeirri leið verði ekki fyrr en 22. júní og sú síðasta í lok september eins og áður var áformað.

Ferðunum frá New York verður aftur á móti haldið úti fram til 29. október.

Í ferðunum til Íslands nýtir United Airlines Boeing 757 þotur með sæti fyrir 169 farþega en til samanburðar eru 184 sæti í þotum Icelandair af sömu gerð. En Icelandair nýtir líka Max þotur í ferðir sínar til borgarinnar en í þeim eru færri sæti.

Í júlí til ágúst nýttu um 23 þúsund farþegar sér ferðir United til Íslands frá Chicago. Þar sem hver farþegi er talinn á leiðinni út og heim aftur þá hafa þetta verið um 11.500 einstaklingar. Ef gert er ráð fyrir að þar hafi að lengmestu leyti verið um að ræða bandaríska ferðamenn þá hefur þessi fjöldi staðið undir um 8 prósent af heildarfjölda bandarískra túrista hér á landi á sama tímabili.

Nýtt efni

„Aðkoma mín að ferðaþjónustunni hefur verið á ýmsum sviðum og ég hef fengið að starfa í greininni í meira en þrjá áratugi, þar af meira en aldarfjórðung í eigin rekstri. Á þessum árum hefur greinin okkar vaxið úr því að vera næstum því tómstundagaman fyrir áhugasama í það að vera stærsta útflutningsgrein þjóðarinnar með öllum …

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …